كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

عێراق کۆنگرەیەک بۆ گەڕاندنەوەی پارە دزراوەکانی ساز دەکات

حکوومەتی عێراق کۆنگرەیەک لە بەغدا بۆ گەڕاندنەوەی پارە دزراوەکانی وڵاتەکەی، ساز دەکات.

بڕیارە لە رۆژانی 15 و 16-9-2021 کۆنگرەی نێودەوڵەتیی گەڕاندنەوەی پارە دزراوەکانی عێراق، لە بەغدای پایتەختی ئەو وڵاتە ساز بکرێت.

کۆنگرەکە بە سەرپەرشتیی مستەفا کازمی، سەرۆک وەزیرانی عێراق و بەشداریی سەرۆکی کۆمکاری عەرەبی و ژمارەیەک شاندی وڵاتان، بەڕێوە دەچێت.

وەزارەتی داد و دەستەی دەستپاکی (نەزاهە) کۆنگرەکە رێک دەخەن. لە کۆنگرەکەدا، تاوتوێی ئەو ئاستەنگانە دەکرێت، کە لە گەڕاندنەوەی پارەی عێراق رووبەڕووی دەزگا نیشتمانییە عێراقییەکان دەبێتەوە.

هەر لە کۆنگرەکەدا، گفتوگۆ لەبارەی شێواز و رێگەکانی پابەندکردنی وڵاتان بە گەڕاندنەوەی ئەو پارە عێراقییانە بۆ عێراق، دەکرێت.