دیالە... داعش دەست بەسەر خاڵێكی پشكنینی سوپای عێراقدا دەگرێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

دیالە... داعش دەست بەسەر خاڵێكی پشكنینی سوپای عێراقدا دەگرێت

 

سێ سەرباز كوژران و دووانیش بریندار بوون

ئەمشەو چەكدارانی ڕێكخراوی تیرۆریستیی داعش لە سنووری پارێزگای دیالە لە دوو هێرشدا، دەستیان بەسەر خاڵێكی پشكنینی سوپای عێراقدا گرت، سێ سەربازیان كوشت و دووانیشیان بریندار كرد.

سەرچاوەیەكی ئەمنیی عێراقی رای گەیاند داعش لە سنووری ناحیەی عوزێم لە باكووری دیالە هێرشی كردووەتە سەر هێزێكی سوپای عێراق.

هێرشێكی یەكەمی داعش بۆ سەر خاڵێكی پشكنینی لیوای دووی سەر بە فرقەی یەكەمی سوپای عێراق بووە، لە ئەنجامدا سەربازێك بریندار بووە، دواتر داعش هێرشێكی تری كردووەتە سەر گوندی تاڵعە لە قەزای خاڵسی دەوروبەری ناحیەی عوزێم، خاڵێكی پشكنینی فرقەی دووی كردووەتە ئامانج.

لە ئەنجامی هێرشی دووەمدا، خاڵی پشكنینەكە كەوتووەتە دەست داعش و سێ سەربازی تێدا بووە، هەرسێكیان كوژراون، سەربازێكی تریش لەو سنوورە بریندار بووە.

چەكدارانی داعش خۆیان لە خاڵی پشكنینەكەدا توند كردووە و سەربازی هێرشی هێزێكی پشتیوانی سوپای عێراق، داعش وەڵامی داوەتەوە و تا ئێستا شەڕ و ڕووبەڕووبوونەوە لە ناوچەكە بەردەوامە.