سەبارەت بە پڕۆژەی نیشتەجێبوون دەستەی وەبەرهێنان چەند بڕیارێك دەردەكات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

سەبارەت بە پڕۆژەی نیشتەجێبوون دەستەی وەبەرهێنان چەند بڕیارێك دەردەكات

 دەستەی وەبەرهێنان لەبارەی مامەڵەكردن بە هەندێك پڕۆژەی نیشتەجێبوون هۆشداری بە وەبەرهێنەران و نووسینگەكانی خانووبه‌ره‌ دەدات و هاووڵاتیانیش لە فریودان ئاگادار دەكاتەوە.

بە پێی نووسراوێكی دەستەی وەبەرهێنانی كە رۆژی 5/9/2021 دەرچووە و بۆ بەرێوەبەرایەتییە گشتییەكانی وەبەرهێنان نێردراوە و كۆپییەكی دەست (باسنیوز) كەوتووە، ئاماژە بەوەكراوە هیچ وه‌بەرهێنەرێك تاوەكوو مۆڵەتی پڕۆژەی نیشتەجێبوون وەرنەگرێت، بۆی نییە كڕین و فرۆشتن بە یەكەكانی نیشتەجێبوون بكات، یان پارەی پێشەكی وەربگرن بە ناوی تۆماركردنی یەكەكان.

دەستەی وەبەرهێنان هۆشداری به‌و جۆرە وەبەرهێنەرانە داوه‌ ئەگەر پابەند نەبن ئەوە رێكاری یاساییان لە بەرامبەر دەگیرێتە بەر و دۆسیەی پڕۆژەكەیان لە وەبەرهێنان دادەخرێت.

له‌لایه‌كی تره‌وه‌، دەستەكە هۆشداری بە نووسینگەكانی كڕینی و فرۆشتنی خانوو و زه‌وی داوە، ئەگەر كڕین و فرۆشتن بە پڕۆژەیەك بكەن كه‌ فەرمان و مۆڵەتی  بۆ دەرنەچووبێت و فەرمانی دەستبەكاربوونی بۆ نەكرابێت" دەچێتە خانەی فریودان ودەستخەڕۆكردنی هاووڵاتییان، بۆیە ئەوەی ئەو كارە بكات رێكاری یاسایی لەدژ دەگیرێتە بەر".

بەپێی ناوەڕۆكی نووسراوەكە هەندێك وەبەرهێنەر داوای گۆڕینی سێكتەری پڕۆژەكانیان كردووە بۆ نیشتەجێبوون، یان داوای وەرگرتنی پڕۆژەی نیشتەجێبوونیان كردووە، بەڵام بە بێ هەبوونی مۆڵەت و فەرمان دەستیان كردووە بە كڕین و فرۆشتنی یەكەكانی نیشتەجێبوون.

لای خۆیەوە د.محەمەد شوکری، سەرۆکی دەستەی وەبەرهێنانی حکوومەتی هەرێمی کوردستان، بە (باسنیوز)ی راگەیاند: "هه‌ندێ كه‌س و وەبەرهێنەر هەیە داوای پڕۆژەی نیشتەجێبوونیان كردووە، بەبێ ئەوەی پڕۆژەكانیان رەزامەندی لەسەردرابێت، هەڵمەتی فرۆشتنیان دەست پێكردووە، بێگومان ئەوەش كارێكی نایاساییە و ئێمە رێكاری یاسایی لە بەرامبەری وەردەگرین".

ئەوەشی خستەڕوو هەر پڕۆژەیەك مۆڵەتی نەبێت و فەرمانی دەستبەكاربوونی دەرنەچووبێت، نابێت هیچ مامەڵەیەكی پێوە بكرێت، گوتیشی:" وەبەرهێنەران لەو بابەتە ئاگه‌دار كراونەتەوە، داواش لە هاووڵاتییان دەكەین خۆیان لەوجۆرە مامەڵەیە بە دوور بگرن".

No description available.