فایزەر حەبێك بۆ چارەسەركردنی جۆرە نوێیەكانی پەتای كۆرۆنا بەرهەم دێنێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

فایزەر حەبێك بۆ چارەسەركردنی جۆرە نوێیەكانی پەتای كۆرۆنا بەرهەم دێنێت

كۆمپانیای "فایزەر"ی ئەمریكی رای گەیاند گەیشتوونەتە دۆزینەوەیەكی پزیشكیی نوێ كە دەتوانن لە ڕێگەی حەبێكەوە چارەسەری جۆرە نوێ و گۆڕاوەكانی پەتای ڤایرۆسی كۆرۆنا بكەن و كاریگەری بڵاوبوونەوەی ڤایرۆسەكە لە جەستەی تووشبوودا كەم بكەنەوە.

بەپێی ماڵپەڕی "نیو ئەتڵەس"، كۆمپانیای فایزەری ئەمریكی بەردەوامە لە لێكۆڵینەوەكانی بۆ دۆزینەوەی چارەسەری بۆ پەتای ڤایرۆسی كۆرۆنا و ئێستاش گەیشتوونەتە چارەسەرێكی نوێ، كە دەتواندرێ لە ڕێگەی پێدانی حەب بە تووشبوو، كاریگەرییەكانی ڤایرۆسە گۆڕاوەكانی كۆرۆنا لەسەر تووشبوو كەم بكەنەوە.

ئێستا تاقیكردنەوەی حەبە نوێیەكە گەیشتووەتە قۆناغی دووەم و بە چەندین بەشداربووی خۆبەخش دراوە.

حەبەكە بە ناوی "PF-07321332" بەرهەم دەهێندرێت و تووشبوو لە قۆناغەكانی سەرەتای تووشبوونیدا بە پەتای كۆرۆنا، دەتوانێت لە ماڵەوە حەبەكە بەكاربێنێت، ئێستا لێكۆڵینەوەكان و تاقیكردنەوەی حەبەكە بەردەوامە و چاوەڕوان دەكرێت ئەنجامی سەرەتایی تاقیكردنەوەكان لە كۆتایی ئەمساڵ دەربچێت.