ماکرۆن لەبارەی عێراقەوە پەیوەندی بە سەرکۆماری ئێرانەوە دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ماکرۆن لەبارەی عێراقەوە پەیوەندی بە سەرکۆماری ئێرانەوە دەکات

سەرکۆماری فەرەنسا لەبارەی رەوشی عێراقەوە، پەیوەندی بە سەرکۆماری ئێرانەوە دەکات.

بەپێی زانیارییە میدیاییەکان، ئیمانوێڵ ماکرۆن، سەرکۆماری فەرەنسا رۆژی یەکشەممە 5-9-2021 بە تەلەفۆن پەیوەندی بە ئیبراهیم رەئیسی، سەرکۆماری ئێرانەوە کردووە.

لە پەیوەندییەکەدا، ئیراهیم رەئیسی و ئیمانوێڵ ماکرۆن گفتوگۆیان لەبارەی بارودۆخی عێراق و ناوچەکە کردووە.

سەرکۆماری ئێران بە سەرکۆماری فەرەنسای راگەیاندووە، ”سیاسەتی ئێران بەرامبەر عێراق بریتییە لە پاڵپشتیکردنی گەلی عێراق بۆ بەدیهێنانی ئاشتی و سەقامگیری“.

هەر لە پەیوەندییەکەدا، ئیمانوێڵ ماکرۆن بە پێویستی زانیوە لاپەڕەیەکی نوێ لە پەیوەندییەکانی ئێران و عێراق لە هەموو وارەکانی سیاسی، ئابووری، رۆشنبیری و هاوکاریی هەرێمی، بکرێتەوە.