پەرلەمانتارێک: لە هەوڵداین بۆ دابەزاندنى نرخى بەنزین
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

پەرلەمانتارێک: لە هەوڵداین بۆ دابەزاندنى نرخى بەنزین

جێگرى سەرۆکی لیژنەى سامانە سروشتییەکانى پەرلەمانى کوردستان رایدەگەیەنێت بە هەماهەنگى وەزارەتى سامانە سروشتییەکان و نوێنەرى پارێزگاکانى هەرێمی کوردستان هەوڵى دابەزاندنى نرخى بەنزین دەدەن.

گولیزار رەشید، بە (باسنیوز)ى راگەیاند: "بە هەماهەنگى لەگەڵ وەزارەتى سامانە سروشتییەکان و نوێنەرى هەرسێ پارێزگاکەى هەرێمی کوردستان لە هەوڵى ئەوەداین بەمنزیکانە کۆبوونەوەیەک ئەنجام بدەین، بۆ ئەم مەبەستە چاوەڕێ دەکرێت ژوورێک دروست بکرێت بۆ چاودێریکردنى نرخى بەنزین و دابەزاندنى، چونکە ماوەیەکە بەردەوام نرخى بەنزین لە بەرزبوونەوەدایە".

راشیگەیاند: "بەهۆى زیادکردنى باجى سەر بەنزینى هاوردەکراو و بەرزکردنەوەى کوالێتییەکەى، نرخى بەنزین گۆڕانکارى بەسەردا هاتووە، چونکە وەزارەتى سامانە سروشتییەکان چەند مەرجێکى بۆ هاوردەکردنى بەنزین داناوە، لەوانە بەرزکردنەوەى کوالێتى بەنزین".

ئەوەشى خستەڕوو: "بۆ چارەسەرکردنى گرانى نرخى بەنزین ئێمە پێشنیازمان کردووە، ئەو بەنزینەى لە پاڵاوگەیەکى ناوخۆییەوە دەپاڵێورێت و بەنرخى 660 دینار بۆ هەر لیترێک دەدەرێت بە چەند بەنزینخانەیەکى دیاریکراو، لە مەودوا گۆڕانکارى بەسەردابێت و هەرجارەى بدرێت بە چەند بەنزینخانەیەکى دیکە، بۆ ئەوەى هەمووان سوودى لێوەربگرن و نرخى بەنزینیش زیاتر داببەزێت".