لە چیای ئاراراتی كوردان ناوازەترین مەراسیمی هاوسەرگیری ئەنجامدرا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

لە چیای ئاراراتی كوردان ناوازەترین مەراسیمی هاوسەرگیری ئەنجامدرا

 

چیای ئارارات یان چیای ئاگری، دەكەوێتە پارێزگای ئاگریی كوردستان، ئەم چیایە هاوسنوورە لەگەڵ شاری ماكۆ لە رۆژهەڵاتی كوردستان لە ئێران و وڵاتانی ئازەربایجان و ئەرمینیا، یەكێكە لە هێماكانی ئەرمینییەكان و شوێنی دامەزراندنی كۆماری ئاراراتە، لە چەند رۆژی رابردوودا مەراسیمێكی ناوازە لەم چیایە ئەنجام درا.

مەراسیمەكە برییتی بووە لە ئەنجامدانی پرۆسەیەكی هاوسەرگیری لە نێوان كچێك بەناوی سافجول ئارارسلان لەگەڵ چیای ئارارات.

لە میدیاكانی رۆژهەڵاتی ناوەراست گرنگییەكی زۆر بڵاوكردنەوەی وێنەی سافجول دراو ژمارەیەكی وێنە بڵاوكرانەوە كە كاتی پرۆسەی هاوسەرگیرییەكە گیرابوون.

سافجول لە بەردەم میدیاكاندا گوتی: "پرۆسەی هاوسەرگیرییەكە رەمزییە و مەبەستم ناردنی پەیامێكە، پەیامەكەشم لەناوبردنی ڕەگەزپەرستی و توندوتیژییە دژی منداڵان لە جیهاندا".

ئەوەی وایكرد كە هاوسەرگیرییەكەی سافجول دەنگدانەوەیەكی گەورەی هەبێت، هەروەها جلوبەرگەكەشی، درێژییەكەی چوار هەزار مەتر بوو.