ئەمڕۆ چوار ناوچەی كوردستان و عێراق بەرزترین پلەی گەرمای جیهانیان تێدا تۆمار كرا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ئەمڕۆ چوار ناوچەی كوردستان و عێراق بەرزترین پلەی گەرمای جیهانیان تێدا تۆمار كرا

ئەمڕۆ دووشەممە چوار ناوچە لە سنووری كوردستان و عێراقدا لە ناو لیستی ئەو 13 ناوچانەی جیهاندان كە بەرزترین پلەی گەرمایان تێدا تۆمار كراوە.

ماڵپەڕی "ئێڵدۆڕادۆ وێزەر"ی تایبەت بە كەشوهەوای جیهان، ناوی 13 ناوچەی جیهانی بڵاوكردەوە كە ئەمڕۆ بەرزترین پلەی گەرمایان تێدا تۆمار كراوە، ئاماژەشی بەوە كردووە هاوینی ئەمساڵ بە یەكێك لە هاوینە هەرە گەرمەكان دادەندرێت، سەرباری ئەوەی لە چەندین شوێنی جیهاندا لەم هاوینە گۆڕانی گەورەی ئاووهەوا تۆمار كراوە، وەكو بارانی بەلێزمەی چاوەڕواننەكراو و هەڵسانی لافاوی گەورە.

ماڵپەڕەكە ناوی ئەو شارانەی ڕاگەیاندووە كە ئەمڕۆ دووشەممە بەرزترین پلەی گەرمای زەوییان تێدا تۆمار كراوە و لە سەروویانەوە شاری جەهرای كوەیتی دێت، كە پلەی گەرماكەی گەیشتووەتە 49.9 پلە، لەگەڵ حەفت شاری تری كوەیت كە لە ڕیزی 15 گەرمترین شارەكانی جیهاندا دێن.

هەروەها فڕۆكەخانەی شافەهد لە شاری دەمامی سعوودیە لە دووەم ڕیزبەندی گەرمترین ناوچەكانی ئەمڕۆی جیهاندا دێت و گەرماكەی 49.8 پلەی تۆمار كردووە.

هەروەها شاری بەسرەی باشووری عێراق چوارەم گەرمترین شاری جیهان بووە ئەمڕۆ و پلەی گەرماكەی گەیشتووەتە 49 پلە، لە دوای شاری سەڵیبیەی كوەیت هاتووە.

هەروەها ناوچەی متریبەی كوەیتی لە پلەی پێنجەم، عەبدلی كوەیت پلەی شەشەم، فڕۆكەخانەی كوەیت پلەی حەفتەم، وەفرەی كوەیت پلەی هەشتەم، فڕۆكەخانەی بەسرە پلەی نۆیەم، شاری خانەقین لە كوردستان پلەی دەیەم، نوەیسیب لە كوەیت پلەی یازدەمین، شارۆچكەی بەدرەش لە پارێزگای واستی عێراق پلەی دوازدە و ناوچەی "المزرعة التجريبية"ی كوەیتیش پلەی سێزدەمینی لە گەرمترین ناوچەكانی جیهانی تێدا تۆمار كراوە.