ل دھۆکێ خۆدانێن ٣٠ جھێن بازرگانی ھاتنە سزادان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ل دھۆکێ خۆدانێن ٣٠ جھێن بازرگانی ھاتنە سزادان

ژ ئه‌گه‌رێ نه‌پێگیرى ب رێنامیێن ساخله‌مى و لیژنا دیڤچونا بازارى، لیژنا دیڤچونا بازارى یا قایمقامیا قه‌زا دهۆكێ خۆدان 30 جهێن جۆدا جۆدا سزا دان.

یوسف محه‌مه‌د حه‌سه‌ن، سه‌رۆكێ لیژنا دیڤچونا بازارى ل قایمقامیا قه‌زا دهۆكێ بۆ (باسنیوز) گۆت: "ژ ئه‌گه‌رێ نه‌پێگیریا دۆكانداران و جهێن بازرگانى ب رێنامیێن تایبه‌ت یێن مه‌ ڤه‌، لیژنا دوفچوونێ سه‌ره‌دانا بازارێ دهۆكێ كریه‌ و د ئه‌نجامدا ڤان سێ رۆژان دا خۆدان 30 جهێن كاركرنێ هاتنه‌ سزادان و دائێخستن ژبه‌ركۆ ماسك بكار نه‌ئینان بوون و پێگیری ب رێنمایێن به‌رهه‌نگاریا كۆرۆنایێ نه‌دكرن، له‌ورا تووشى سزادانێ بوون و پێدڤییه‌ كرێكارێن ل كافی و خوارنگه‌  وجهێن گه‌شتیارى كار دكه‌ن، هه‌روه‌سا ژى هه‌موو فرۆشیار پێدڤییه‌ ماسكێ بكار بینن و نه‌هێلن هیچ كه‌سه‌ك بچته‌ ناڤ جهێن وان یێن كاركرنێدا بێ ماسك".

ئه‌ندامێ لیژنا دووڤچوونێ ل قایمقامیا قه‌زا دهۆكێ گۆت ژى: "لیژنێن دووڤچوونێ ده‌ستپێكریه‌ ب سه‌ره‌دانا كافێ و خوارنگەهـ ‌ و جهێن گه‌شتیارى وماركێت و فرۆشگه‌هێن، هه‌روه‌سا ژى ئه‌م هه‌ولده‌ن ناڤ بازارێدا وه‌لاتى ژى هه‌ڤكار بن ماسكێ بكار بینن، هه‌ر كه‌سه‌كێ ماسكێ بكار نه‌هێنت، دهێته‌ سزادان ب تایبه‌تى ژى خۆدان جهێن كاركرنێ ناڤ بازارێ".

  سه‌رۆكێ لیژنا دیڤچونا بازارى ل قایمقامیا قه‌زا دهۆكێ گۆتژی: "ل ده‌مێ شه‌ش هه‌یڤێن بۆریدا ل دهۆكێ 2455 سه‌ره‌دان مه‌ هه‌بوونه‌ و د هه‌ماند ده‌مدا 320 هۆشدارى مه‌ دانه‌ جهێن بازرگانى و خۆدان 110 جهێن بازرگانى و كاركرنێ هاتنه‌ سزادان و 92 جه ژى هاتنه‌ دائێخستن و زێده‌تر ژ 6 ته‌نێن كه‌لۆپه‌لان هاتنه‌ ژناڤبرن و هیڤییه‌ هه‌ر كه‌س پێگیریێ ب رێنمایان بكه‌ن تا كۆ ژیانا هه‌ر كه‌سه‌كێ یا سلامه‌ت بیت".