كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

پەیاما پیرۆزباهییا سەرۆکێ حکوومەتا هەرێما کوردستانێ ب هەلکەفتا جەژنا چلێ هاڤینێ

سەرۆکێ حکوومەتا هەرێما کوردستانێ په‌یامه‌ك بلاڤ كر و ڕاگه‌هاند "ب هەلکەفتا جەژنا چلێ هاڤینێ، پیرۆزباهییەکا گەرم ل خوشک و برایێن ئێزیدی ل کوردستانێ و جیهانێ دکەم".

ئه‌ڤرۆ سێشه‌مبى 2/8/2021، مه‌سرور بارزانى، سەرۆکێ حکوومەتا هەرێما کوردستانێ، ب هەلکەفتا جەژنا چلێ هاڤینێ په‌یامه‌ك بلاڤ كر و گۆت: "ب هەلکەفتا جەژنا چلێ هاڤینێ، پیرۆزباهییەکا گەرم ل خوشک و برایێن ئێزیدی ل کوردستانێ و جیهانێ دکەم. هیڤیدارم جەژنەکا پڕ شادی و بەختەوەری بیت".

سەرۆکێ حکوومەتا هەرێما کوردستانێ گۆتژى: "ب ڤێ هەلکەفتێ، خوشک و برایێن ئێزیدی پشتراست دکەینەڤە، کو حکوومەتا هەرێما کوردستانێ، هەموو شیانان دێ بکارئینیت، ژبۆ خزمەتکرنا پتر یا ئێزیدییان و کارکرن ژبۆ ڤەگەڕاندنەڤا ئاوارەیێن شنگالێ بۆ سەر جهـ و وارێن وان و ئاڤەدانکرنەڤا دەڤەرێن ئیزیدییان ب هەڤکارییا حکومەتا عێراقێ و جڤاکا نیڤدەولەتی".

مه‌سرور بارزانى دیار كر: "هیڤیدارم هه‌رسال ئه‌ڤ جه‌ژنه‌ وهه‌موو جه‌ژنێن دى، بخێر وخوشى وته‌بایى و ب گیانێ پێكڤه‌ ژیانێ دەرباز بکەین".