پسپۆرێكی ئەمریكی هۆشداری لە هەڵگیرسانی شەڕی ئەتۆمی دەدات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

پسپۆرێكی ئەمریكی هۆشداری لە هەڵگیرسانی شەڕی ئەتۆمی دەدات

دەڵێ بەهۆی پێشبڕكێی خۆپڕچەككردنی وڵاتانەوە دۆخەكە لە دەست دەردەچێت

ئەمڕۆ یەكشەممە پسپۆرێكی ئەمریكی لە بواری نەهێشتنی چەك و كەمكردنەوەی هەڕەشەكان هۆشداری دا لە هەڵگیرسانی شەڕێكی ئەتۆمی لە جیهاندا، ئەمەش بەهۆی بەردەوامیی وڵاتان لە پێشبڕكێی خۆپڕچەككردن بە چەكی ئەتۆمی.

كینگستۆن راف بەڕێوەبەری سیاسەتی نەهێشتنی چەك و كەمكردنەوەی هەڕەشەكان لە ڕێكخراوی ئەمریكی بۆ سنوورداركردنی چەك ڕای گەیاند پێشبڕكێی خۆپڕچەككردنی ئەتۆمی لە نێوان وڵاتانی زلهێزدا هەڕەشە لە مرۆڤایەتی دەكات و بۆی هەیە لە هەر ساتێكدا كار لە كار بترازێت و دۆخەكە لەدەست دەربچێت.

كینگستۆن راف بە ڕۆژنامەی "زە سەن"ی راگەیاندووە پێشبڕكێی خۆپڕچەككردنی ئێستا وەكو هی سەردەمی شەڕی سارد نییە، لەو ساڵانەی كە یەكێتیی سۆڤیەتی پێشوو و ئەمریكا دەیان هەزار چەكی ئەتۆمیان بەرهەم هێنا، بەڵكو ئێستا قۆناغێكی نوێی خۆپڕچەككردنی ئەتۆمی لە نێوان وڵاتانی زلهێزدا دەستی پێكردووە، كە لە داهاتوویەكی نزیكدا ئەگەر هەنگاوی پێویست نەنرێت بۆ بەرلێگرتنی، مەترسییەكەی زۆرتر و گەورەتر دەبێت.

پسپۆرە ئەمریكییەكە ئەوەشی نەشاردەوە كە مەترسیی هەڵگیرسانی هەر شەڕێكی ئەتۆمی دەبێتە هەڕەشەیەكی گەورە بۆ سەر ئەمریكا و هاوپەیمانەكانیشی.

هەروەها ئاماژەی بەوە كردووە كە لە نێوان وڵاتە زلهێزەكاندا، لە بواری چەكی ئەتۆمی، هیچ متمانەیەك نییە، چونكە لەگەڵ هەر تەقینەوەیەكی بۆمبی ئەتۆمیدا دۆخەكە بەیەكجاری لە دەست دەردەچێت.