دوانیوەڕۆی ئەمڕۆ شەممە لە نزیك دەریاچەی حەمرین لە سنوری شارەدێی سەعدیەی سەر بە شارۆچكەی خانەقین، گەورە تیرۆریستێكی داعش كوژراوە.
نیهاد محەمەد، گوتەبێژی پۆلیسی دیالە، بە (باسنیوز)ی ڕاگەیاند: "ئەمڕۆ شەممە 31/7/2021 گەورە تیرۆریستێكی داعش لە نزیك دەریاچەی حەمرین لە سنووری شارەدێی سەعدیە كوژراوە".
گوتیشی: "ئەو تیرۆریستە بە ئەبوو سەعد سەمین ناسراو بووە و لە بۆسەیەكی هێزەكانی دەزگای دژە تیرۆری عێراق و لە نزیك دریاچەی حەمرین لە سنووری شارەدێی سەعدیە كراوەتە ئامانج و كوژراوە".
ئەوەشی خستە ڕوو: "ناوبراو پیلانداڕێژی زۆربەی كردەوە تیرۆریستییەكانی سنووری سەعدیە و گولاڵە بووە".