سەرۆکی حکوومەتی هەرێمی کوردستان پێشوازی لە شاندێکی باڵای حزبی(الأمة)ی عێراقی دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

سەرۆکی حکوومەتی هەرێمی کوردستان پێشوازی لە شاندێکی باڵای حزبی(الأمة)ی عێراقی دەکات

ئەمڕۆ شەممە 31ی تەمموزی 2021 مەسرور بارزانی ،سەرۆکی حکوومەتی هەرێمی کوردستان، پێشوازی لە شاندێکی باڵای حزبی(الأمة)ی عێراقی کرد بە سەرۆکایەتی مەحموود حوسێن ئەلعگیلی ئەمینداری گشتیی حزبى الأمة.

لە دیدارەکەدا دوایین پێشهات و پەرەسەندنەکانی عێراق و ئامادەکارییەکانی هەڵبژاردنی ئەنجوومەنی نوێنەران تاووتوێ کرا و جەخت لە پێویستی زەمینەخۆشكردن لەبەردەم هەڵبژاردنێكی پاك و بێگەرد کرا كە ماف و خواستی سەرجەم پێكهاتەكان دەستەبەر بكات.

شاندی حزبی (الأمة)ی عێراقی، ستایشی هەڵوێستی هەرێمی کوردستانیان کرد لە میوانداریکردن و یارمەتیدانی سەدان هەزار ئاوارەی پارێزگاکانی عێراق کە بە ئاشتی و ئارامی لە هەرێمی کوردستاندا دەژین.

 لە تەوەرێکی دیکەی دیدارەکەدا، باس لە گرنگیی چارەسەرکردنی کێشە هەڵپەسێردراوەکانی نێوان هەرێمی کوردستان و حکومەتی فیدراڵی کرا لە سەر بنەمای دەستوور .