زێده‌تر ژ 10 هزار دۆنه‌مێن دارستانێن دهۆكێ هاتنه‌ سۆتن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

زێده‌تر ژ 10 هزار دۆنه‌مێن دارستانێن دهۆكێ هاتنه‌ سۆتن

دارێن دژیێ 100 سالیێدا ژناڤ چوونه‌

بتنى ل ده‌مێ حه‌فتیه‌كێدا، دوو رۆیدانێن مه‌زن یێن ئاگربه‌ربوونێ ل دهۆكێ درۆست بوونه‌ بێى كۆ ئه‌گه‌رێ ئاگربه‌ربوونێ بهێته‌ زانین، زێده‌تر ژ 10 هزار دۆنه‌مێن ئه‌ردى هاتنه‌ سووتن.

مقه‌دم بێوار عه‌بدولعه‌زیز، په‌یڤدارێ رێڤه‌به‌ریا به‌ره‌ڤانیا باژێرى ل دهۆكێ بۆ (باسنیوز) دیار كر: "ل ده‌مێ حه‌فتیه‌كێدا رۆیدانێن ئاگربه‌ربوونێ یێن دلهه‌ژین ل دهۆكێ درۆست بوونه‌، كۆ ئاگر به‌ر ببو دار و كاژێن گه‌لیێ دهۆكێ و دهه‌مان ده‌مدا دارستانێن ناحیا زاویته‌ ژى هاتنه‌ سۆتن و بوویه‌ ئه‌گه‌ر زیانه‌كا ئێكجار مه‌زن بگه‌هیته‌ سرۆشتێ ڤێ ده‌ڤه‌رێ".

 گۆتژى: "ئه‌م چاڤه‌رێ دكه‌ین ئه‌و ئاگره‌ ب ده‌ستێن هنده‌ك كه‌سان هاتبیته‌ هه‌لكرن".

په‌یڤدارێ به‌ره‌ڤانیا باژێرى ل دهۆكێ ئاماژه‌ ب وێ چه‌ندێ ژى دا: "ل زاویته‌ و دهۆكێ زێده‌تر ژ 10 هزار دۆنه‌مێن ئه‌ردى هاتنه‌ سۆتن و هنده‌ك دار هه‌بوونه‌ كۆ دژیێ 100 سالیێدا بوون، لێ رۆیدانا ئاگربه‌ربوونێ ئه‌و داره‌ ژناڤ برن، هه‌رچه‌نده‌ دونیا گه‌رمه‌، لێ ئه‌م پێشبینى دكه‌ین هنده‌ك كه‌س هه‌نه‌ ئاگرێ دارستانا دروست دكه‌ن و هیڤییه‌ هزر د پاراستنا ژینگه‌ها هه‌رێما كۆردستانێدا بكه‌ن".