زانایه‌كێ ئاینى یێ به‌هدینان وه‌غه‌را دۆماهیێ كر
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

زانایه‌كێ ئاینى یێ به‌هدینان وه‌غه‌را دۆماهیێ كر

به‌رى ده‌مه‌كێ كۆرت، ئێك ژ زانا و كه‌سایه‌تیێن به‌رنیاس ل ده‌ڤه‌را به‌هدینان ، شێخ عه‌بدۆلحه‌مید رێكانى وه‌غه‌را دۆماهیێ كر.

شێخ عه‌بدۆلحه‌مید رێكانى، برایێ خۆدێ ژێ رازى مه‌لا نۆرى رێكانى بوویه‌، ژدایك بوویێ سالا 1949 یه‌ ، خه‌لكێ گۆندێ بێزه‌له‌ سه‌ر ب ده‌ڤه‌را رێكان ڤه‌، ئێك ژ زانایێن ناڤدار یێن ئاینیێ ئیسلامێ یه‌ ل ده‌ڤه‌را به‌هدیدان.

شێخ عه‌بدۆلحه‌مید رێكانى ل سالێن 1960 دا قه‌ستا باژێرێ موویسل كریه‌، ل وى باژێرى شیایه‌ به‌رده‌وامیێ بده‌ته‌ خواندنا خۆ تا كۆ باوه‌رناما ماسته‌رێ ل وى باژێرى وه‌رگرتى و ل مزگه‌فته‌كا موویسل وه‌كو گۆتارخوین ده‌ستبكار بوو و دیسان پشتى ڤه‌گه‌ریانا وى بۆ پارێزگه‌ها دهۆكێ ل ده‌ڤه‌را سیاره‌تیكا ل مزگه‌فه‌ته‌كێ به‌رده‌وامیێ ده‌ته‌ گۆتارخوینیێ، ژبه‌ر كۆ ل وى ده‌مى رژێما به‌عس ل ناڤا دهۆكێ دا بوو، نه‌خواستیه‌ ل ناڤا باژێرى گۆتارخوینیێ ئه‌نجام بده‌ت.

دیسان ل ده‌مێن دیڤ دا قه‌ستا سه‌نته‌رێ دهۆكێ كریه‌ و بۆ ده‌ما 30 سالان وه‌كه‌ گۆتارخوین ل مزگه‌فتا مه‌زن ل سه‌نته‌رێ دهۆكێ كار كریه‌ و ئێك ژ مۆفتیێن به‌رێ یێن دهۆكێ بوویه‌ و كه‌سایه‌تى و زانایه‌كێ به‌رنیاس یێ پارێزگه‌ها دهۆكێ بویه‌، به‌رى 15 رۆژان تووشى خۆینه‌ربوونه‌كا سه‌رى (مێشكى) ببوو، هه‌رچه‌نده‌ نشته‌رگه‌ریه‌ك بۆ هاتبو ئه‌نجام دان، لێ ژ ئه‌گه‌رێ نه‌خۆشیا وى یا دژوار ، به‌رى ده‌مه‌كێ وه‌غه‌را دۆماهیێ كر.