ئەمڕۆ لیژنەی باڵای بەرەنگاربوونەوەی كۆرۆنا كۆ دەبێتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ئەمڕۆ لیژنەی باڵای بەرەنگاربوونەوەی كۆرۆنا كۆ دەبێتەوە

پێشنیازی قەدەغەی هاتوچۆی سنووردار کراوە

ئەمڕۆ سێشەممە لیژنەی باڵای بەرەنگاربوونەوەی كۆرۆنا لە هەرێمی کوردستان كۆ دەبێتەوە و کۆمەڵێک بڕیار و ڕێكاری توند بۆ ڕووبەڕووبونەوەی كۆرۆنا دەگرێتە بەر و پێشنیازی داخستنی چەند شوێنێكی گشتی و قەدەغەی ھاتووچۆی سنوورداریش كراوە.

 پەیامنێری (باسنیوز) رای گەیاند ئەمڕۆ سێشەممە27/7/2021 لیژنەی باڵای بەرەنگاربوونەوەی كۆرۆنا بە سەرپەرشتیی رێبەر ئەحمەد وەزیری ناوخۆی حكوومەتی ھەرێمی كوردستان و ژمارەیەك وەزیر و بە بەشداریی بەشداری ھەر چوارپارێزگارەكە و ئیدارە سەربەخۆكان كۆ دەبنەوە.

گوتیشی كۆبوونەوەكە لە چوارچێوەی راپۆرتی وەزارەتی تەندروستی لەبارەی رەوشی كۆرۆنا و خێرا بڵاوبوونەوەی ئەم شەپۆلەدا دەبێت و بەپێی پێشنیازەكانی وەزارەت و بەڕێوەبەرە تەندروستییەكان بڕیار و رێكاری توند لەبارەی ڕووبەڕووبونەوەی كۆرۆنا و رێكاری خۆپارێزی دەگرنە بەر.

ئاماژەی بەوەش کرد ژمارەیەك پێشنیاز ئامادە كراوە، لەوانە توندکردنی ڕێکارەکان بەگشتی و بەتایبەتی بەستنی دەمامک و راگرتنی گشت بۆنە و کۆبوونەوە و سیمینار كۆڕەکان و هاندانی خەڵک بۆ وەرگرتنی ڤاکسین و قەدەغەی هاتووچۆی سنوردار لە ٨ ئێوارەوە تاکوو ٦ بەیانی و تەنها ڕێگە بەو گەشتیارانە بدرێت کە ڤاکسینیان وەرگرتووە بێنە ھەرێمی كوردستان.