گەشتوگوزاری سلێمانی پلانی گەشتیاریی بۆ ڕۆژانی جەژن ڕاگەیاند
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

گەشتوگوزاری سلێمانی پلانی گەشتیاریی بۆ ڕۆژانی جەژن ڕاگەیاند

بەڕێوەبەری گشتیی گەشتوگوزار سێمانی ئاشكرای كرد بە بۆنەی هاتنی جەژنی قوربانەوە ژمارەیەكی زۆر گەشتیاران سەردانی پارێزگای سلێمانییان كردووە و چاوەڕێ دەكرێت لە ڕۆژانی داهاتوودا ژمارەكە بە شێوەیەكی بەرچاو بەرز ببێتەوە.

عەلی رەئووف، بەڕێوەبەری گشتیی گەشنوگوزاری پارێزگای سلێمانی، بە (باسنیوز)ی راگەیاند: "بەڕێوەبەرایەتیی گشتیی گەشتوگوزاری سلێمانی پلانی پێویستیان بۆ رۆژانی جەژن هەیە کە خۆیان لە چەند خاڵێكدا دەبیننەوە لەوانە سەرجەم لیژنە گەشتیارییەکانی شاری سلێمانی و قەزاكانی دەوروبەری گەڕان و پشكنینەكانیان بۆ هاوینەهەوار و سەیرانگە و هەموو شوێنەكانی خاوەن مۆڵەتە گەشتیاریەكان چڕتر دەكەنەوە، هەروەها سەنتەری زانیاری لە ڕۆژانی جەژن و دواتر لەڕێگەی هێڵێكی گەرم و لەڕێگەی ئەم ژمارە تەلەفونەوە 07725120235 کە بەردەوام کراوەیە، زانیاریی پێوێست پێشكەش بە گەشتیاران دەكەن".

گوتیشی: " بۆ ئاسانكاریی زیاتر، هەماهەنگی تەواو لە نێوان گەشتوگوزار و بازگەکان و دەروازە سنوورییەکان و فڕۆكەخانەدا دروست كراوە".

عەلی ڕەئووف ڕاشی گەیاند: "بەڕێوەبەری گشتیی گەشتوگوزاری سلێمانی ڕاستەوخۆ   سەرپەرشتی و بەڕێوەچونی كارەكان دەكات، پەیوەندی بەردەوامی  لەگەڵ هەموو لایەنە كارگێڕییەکان دەبێت بۆ هاتن و ڕۆیشتنی گرووپە گەشتیارییەكان چ لە سەنتەری شار و دەرەوەی شارەكان".