لە سنووری سلێمانی بەهۆی تەقینەوەی مین هاووڵاتییەک گیانی لەدەست دا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە سنووری سلێمانی بەهۆی تەقینەوەی مین هاووڵاتییەک گیانی لەدەست دا

ئەمڕۆ پێنجشەممە لە سنووری شارۆچكەی ماوەتی سەر بە پارێزگای سلێمانی، بەهۆی تەقینەوەی مین، هاووڵاتییەک گیانی لەدەست داوە و هاوکات ڕووبەرێکی زۆری پووش و پاوانیش سووتاوە.

هێمن كەمەرخان، بەڕێوەبەری ڕاگەیاندنی پۆلیسی دارستان و ژینگەی سلێمانی، بە (باسنیوز)ی ڕاگەیاند: "ئەمڕۆ پێنجشەممە 24/6/2021 لە سنووری گوندی (گابەراو)ی سەر بە شارۆچكەی ماوەت، بەهۆی تەقینەوەی مینێكەوە، هاووڵاتییەك گیانی لەدەست داوە و هاوکات ئاگرێكی فراوانیش كەوتەوە و نزیکەی ١٠٠ دۆنم پووش و پاوان و دارستانی ناوچەکە سووتاوە".

ئاماژەی بەوەش کرد: "کارمەندانی پۆلیسی دارستان و ژینگەی ماوەت گەیشتنە شوێنی ئاگرەكە و بە هاوكاریی دانیشتوانی گوندی (گابەراو) دوای هەوڵ و ماندووبوونێكی زۆر توانیان ئاگرەكە بكوژێننەوە".