دەزگایەكی ڕاپرسی: ئەگەر هەدەپە دابخرێت ئاكەپە٢٠٪ی دەنگی كورد لەدەست دەدات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

دەزگایەكی ڕاپرسی: ئەگەر هەدەپە دابخرێت ئاكەپە٢٠٪ی دەنگی كورد لەدەست دەدات

سەرۆكی دەزگای راپرسی و لێكۆڵنەوەی سیاسی (مێترۆپول) هەڵسەنگاندنی بۆ ئەگەری داخستنی پارتی دیموكراتی گەلان (هەدەپە) كردووە و دەڵێت ئەگەر ئەو پارتە دابخرێت، زیان بەر پارتی داد و گەشەپێدان (ئاكەپە) دەكەوێت و تەنیا ٥٪ی دەنگی كورد بەدەست دەهێنیت.

ئۆزەر سانجار، سەرۆكی دەزگای راپرسی و لێكۆڵینەوەی سیاسی (مێترۆپول)، لە دیمانەیەكدا لەگەڵ ئاژانسی (DW)ی ئەڵمانی، هەڵسەنگاندنی بۆ ئەگەری داخستنی (هەدەپە) كردووە.

ئۆزەر سانجار ڕای گەیاندووە: "٢٥٪ی دەنگی كورد لە باكووری كوردستان بۆ ئاكەپەیە، بەڵام بە گوێرەی ئەو راپرسییەی ئێمە كردوومانە، ئەگەر (هەدەپە) دابخرێت، ئەوكات تەنیا٥٪ی دەنگی كورد بۆ ئاكەپە دەبێت، واتە ٢٠٪ی دەنگی كورد لە دەست دەدات".

بە گوێرەی شرۆڤەی ئۆزەر سانجار، ئەگەر هەدەپە دانەخرێت و بچێتە ناو هەڵبژاردنەوە، بەبێ هیچ كێشەیەك دەتوانێت بەربەستی هەڵبژاردن بشكێنێت كە ١٠٪ە و ئەگەریش هەدەپە دابخرێت، ئەوكات زۆربەی دەنگی هەدەپە بۆ پارتی

گەلی كۆماری (جەهەپە) دەچێت و ئەوانی تریش بۆ پارتەكانی تر دەچێت.

لە بەشێكی تری قسەكانیدا، باسی لە هەڵوێستی رەجەب تەییب ئەردۆغان سەركۆماری توركیا لەبارەی داخستنی هەدەپە کرد و گوتی: "ئەردۆغان بە گەرمی پێشوازی لە داخستنی هەدەپە ناكات، چونكە دەزانێت بە زیانی پارتەكەی دەشكێتەوە".