راگەیاندنی پەرلەمانی کوردستان: ئەو کەسەی لەسەر ماددەی هۆشبەر دەستگیرکراوە فەرمانبەرێکی ئاسایی پەرلەمان بووە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

راگەیاندنی پەرلەمانی کوردستان: ئەو کەسەی لەسەر ماددەی هۆشبەر دەستگیرکراوە فەرمانبەرێکی ئاسایی پەرلەمان بووە

بەڕێوەبەرایەتیی راگەیاندنی پەرلەمانی کوردستان لە راگەیەندراوێکدا رەتی دەکاتەوە کە ئەو کەسەی بەهۆی بەکارهێنانی ماددەی هۆشبەرەوە دەستگیر کراوە وێنەگری سەرۆک یان جێگر یان سکرتێری پەرلەمانی کوردستان بێت و رایدەگەیەنێت کە ئەو کەسە فەرمانبەرێکی ئاسایی بووه‌.

بەڕێوەبەرایەتییەکە رایگەیاندووە "هەواڵێکی پڕ لەچەواشەکارانە لەهەندێک پەیج و ئەکاونتی تۆڕە کۆمەڵایەتییەکان بڵاوبووەتەوە سەبارەت بەدەستگیرکردنی فەرمانبەرێکی پەرلەمانی کوردستان، بەپێویستی دەزانین ئەو ڕوونکردنەوەیە بۆ ڕای گشتی ڕابگەیه‌نین".

راگەیاندنی پەرلەمانی کوردستان روونیشیکردووەتەوە "ئەو فەرمانبەرەی کە بەتۆمەتی بەکارهێنانی ماددەهۆشبەرەکان دەستگیرکراوە، فەرمانبەرێکی ئاسایی پەرلەمانی کوردستانەو ساڵی 2013 دامەزراوە لە ڕاگەیاندنی پەرلەمان و بەھیچ شێوەیەک پەیوەندیی بە کاری دەستەی سەرۆکایەتیی پەرلەمانی کوردستان نەبووە و وێنەگری سەرۆک یان جێگر یان سکرتێری پەرلەمان نەبووە و تەنیا فەرمانبەرێکی ئاسایی بووە و ئه‌و فه‌رمانبه‌رێكه‌ و له‌ ده‌ره‌وه‌ى په‌رله‌مان و له‌ ده‌ره‌وه‌ى كارى وه‌زیفى گیراوه".

ئاماژەی بە ئەوەش داوە کە "دەستگیرکردنی ئەو فەرمانبەرەش بەبڕیاری دادگا دەرخەری ئەو راستییەیە کەیاسا لەسەرووی هەمووانەوەیه‌و پێویستە هەمووان چاوەڕوانی بڕیاری دادگا بین بۆ یەکلاییکردنەوەی ئەو کەیسەو بڕیار لەسەردانی".