كه‌ركووك.. هێزه‌ ئه‌منییه‌كان لە گه‌ڕه‌ك و ناوچه‌ كوردییه‌كان هه‌ڵمه‌تى گه‌ڕان و پشكنین ئه‌نجام ده‌ده‌ن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

كه‌ركووك.. هێزه‌ ئه‌منییه‌كان لە گه‌ڕه‌ك و ناوچه‌ كوردییه‌كان هه‌ڵمه‌تى گه‌ڕان و پشكنین ئه‌نجام ده‌ده‌ن

لە پارێزگای کەرکووک هێزە ئەمنییەکان زیاتر لە ناوچە و گەڕەکەکانی دی لە گەڕەک و ناوچە کوردییەکان هەڵمەتی گەڕان و پشکنین ئەنجام دەدەن، ئەمەش نیگەرانیی هاووڵاتیانی کوردی ئەو پارێزگایەی لێکەوتووەتەوە.


سه‌رچاوه‌یه‌كى به‌رپرس كه‌ نه‌یویست ناوی بڵاوبکرێتەوە به‌ (باسنیوز)ى ڕاگه‌یاند، ئه‌مڕۆ یه‌كشه‌ممه‌ 20/6/2021، سوپای عێراق هه‌ڵمه‌تێكى گه‌ڕان و پشكنینی ماڵانیان له‌ گوندى (حه‌سار) ئه‌نجام دا.

راشیگەیاند کە هێزه‌ عێراقییه‌كان چ شوێنێكیان بوێت ده‌توانن هه‌ڵمه‌تى گه‌ڕان و پشكنینی تێدا ئەنجام بدەن بۆ ده‌ستبه‌سه‌رداگرتنی چه‌ك و ده‌ستگیركردنی تۆمه‌تباران، هاوكات له‌ ئێواره‌ى ئه‌مڕۆ یه‌كشه‌ممه‌وه‌ هێزه‌ ئه‌منییه‌كانى كه‌ركووك، هه‌ڵمه‌تێكى گه‌ڕان و پشكنینیان له‌ گه‌ڕه‌كى كوردستانى شارى كه‌ركووك ده‌ستپێكردووه‌.

به‌پێی زانیارییه‌كانى (باسنیوز) ئه‌و هه‌ڵمه‌ته‌ دانیشتوانى گوندى حه‌سارى سه‌ر به‌ ناحیه‌ى شوانى له‌ سنوورى پارێزگاى كه‌ركووك و هه‌روه‌ها دانیشتووانى گه‌ڕه‌كى كوردستانى شارى كه‌ركووكى نیگه‌ران كردووه‌ و ترسی لای دانیشتوانه‌كه‌ى دروست كردووه‌.

چاودێرانی دۆخی كه‌ركووكیش ئه‌وه‌ ده‌خه‌نه‌ ڕوو، تیرۆریستانى داعش له‌ حه‌ویجه‌ و ناحیه‌كانى و هه‌روه‌ها گونده‌كانى ده‌وروبه‌ری هەن بەڵام هێزه‌ عێراقییه‌كان دەچن ناوچه‌ كوردییه‌كان ده‌پشكنن كه‌ ئه‌وه‌ش نیگه‌رانی زۆری دروست كردووه‌ و به‌ ده‌ستى ئه‌نقه‌ست ئه‌و جۆره‌ هه‌ڵمه‌تانه‌ بۆ بێزاركردنى هاووڵاتییانى كورد ئەنجام دەدەن.