كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ڕانیه‌.. چەند زێده‌ڕۆییەکی سه‌ر تۆڕى ئاو لا دەبرێن

گوته‌بێژى بەڕیوەبەرایەتیی ئاوى ڕاپه‌ڕین ڕای گه‌یاند له‌لایه‌ن تیمه‌كانیانه‌وه‌ ژماره‌یه‌ك زێده‌ڕۆیی لابراون كه‌ كراونه‌ته‌ سه‌ر تۆڕى ئاوى خواردنه‌وه‌.

كه‌ریم مه‌حموود، گوته‌بێژى به‌ڕێوه‌به‌رایه‌تیى ئاوى ڕاپه‌ڕین به‌ (باسنیوز)ى ڕاگه‌یاند: "دواى ئاگاداركردنه‌وه‌مان له ‌گه‌ڕه‌كێكى ناو شارى ڕانیه،‌ چه‌ند كه‌سێك زێده‌ڕۆییان كردووه‌ته‌ سه‌ره‌ تۆڕى ئاوى خواردنه‌وه‌ى گه‌ڕه‌كه‌كه‌، له‌ڕێگه‌ى تیمێكى تایبه‌ته‌وه‌ سه‌ردانى شوێنه‌كه‌مان كردووە و زێده‌ڕۆییەكانمان لابرد".

گوتیشى: "به‌هۆى ئه‌وه‌ى ڕه‌زامه‌ندى و مۆڵه‌تیان وه‌رنه‌گرتووه،‌ لێپرسینه‌وه‌ له‌گه‌ڵ ئه‌نجامده‌رانى كاره‌كه‌ ده‌كه‌ین".

باسى له‌وه‌ش كرد:‌" وێڕاى وشكه‌ساڵى تاڕاده‌یه‌كى باش ئاوى خواردنه‌وه‌ بۆ هاووڵاتییان دابین كراوه ‌و به‌رنامه ‌و پلانیش بۆ نۆژه‌نكردنه‌وه‌ و فراوانكردنى ئاوى قوله‌ هه‌یه‌ كه‌ به‌شێكى زۆرى هاووڵاتییانى ناو شارى ڕانیه‌ بۆ ئاوى خواردنه‌وه‌ پشتى پێ ده‌به‌ستن".