هۆنه‌رمه‌نده‌كێ كۆردێ ئێزدى وه‌غه‌را دۆماهیێ كر
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

هۆنه‌رمه‌نده‌كێ كۆردێ ئێزدى وه‌غه‌را دۆماهیێ كر

ئه‌ڤرۆ كه‌مال پیر مجو هۆنه‌رمه‌ندێ كۆردێ ئێزدى، ل دویرى ئاخ و وه‌لاتێ خۆ، ل ناڤا نه‌خۆشخانه‌كا وه‌لاتێ ئه‌لمانیا پشتى هه‌ڤركى دگه‌ل نه‌خۆشیه‌كا گران، ئه‌ڤرۆ وه‌غه‌را دۆماهیێ كر.

كه‌مال پیر مجو، هۆنه‌رمه‌ندێ كۆردێ ئێزدى ل سالا 1975 ل گۆندێ دهۆلا ل باكۆرێ چیایێ قه‌زا شنگالێ هاتیه‌ سه‌ر دۆنیایێ و چاڤێن خۆ ل هه‌بوونێ ڤه‌كرینه‌، ژ بنه‌ماله‌كا هۆنه‌رمه‌ند و هۆنه‌ردۆست بوونه‌.

كه‌مال پیر مجو، كۆرێ باب و باپیرێن هۆنه‌رمه‌ند بویه‌، ئانكۆ ل ناڤا خێزان و مالباتا وى دا هه‌رده‌م رۆحا هونه‌رێ كۆردى ساخ بوویه‌ و شیانه‌ خزمه‌تا هۆنه‌رێ فلكلۆرێ كۆردى بكه‌ن.

كه‌مال ل سالا 1991 دگه‌ل چه‌ند دۆست و هه‌ڤالێن خۆ ژ پێخه‌مه‌ت خزمه‌تكرنا هۆنه‌رێ كۆردى، ل سالێن نه‌خۆشى و زه‌حمه‌تیا ژیانێ، ده‌ست ب دامه‌زراندنا تیپه‌كا هۆنه‌رى دكه‌ن و ل وێ سالێ تا ئه‌ڤرۆ ل سه‌ر گۆتنا سترانا كۆردى به‌رده‌وام بوویه‌.

كه‌مال پیر مچو، خۆدان هژماره‌كا زۆر یا سترانێن كۆردى و تۆماركرى نه‌ و ل ده‌مێن بۆرى دا به‌رهه‌مه‌ك ب ناڤێ "هیڤى" خۆزى من كارى با، پێشكێشى حه‌ژێكه‌رێن ده‌نگێ خۆ كربو، و هه‌مان كارێ وى ببو جهێ دلخۆشیا به‌شه‌كێ زۆر ژ حه‌ژێكه‌رێن ده‌نگێ وى.

ل چه‌ند سالێن بۆرى دا، كه‌مال پیر مجو، دگه‌ل خێزانا خۆ قه‌ستا وه‌لاتێ ئه‌لمانیا دكه‌تن، ل وى وه‌لاتى ده‌هان سترانێن خه‌ریبى و دویرى وه‌لاتى گۆتینه‌، ل ده‌مێن بۆرى دا كه‌مال توشى نه‌خۆشیه‌كا گران دبیت و پشتى هه‌ڤركیا ده‌مه‌ك دگه‌ل وێ نه‌خۆشیێ، ئه‌ڤرۆ رۆژا ئه‌ینى 18/6/2021 ل ناڤا نه‌خۆشخانه‌كا وه‌لاتێ ئه‌لمانیا وه‌غه‌را دوماهیێ دكه‌تن و ده‌نگ و خزمه‌تا خو یا پێشكێشى هۆنه‌رێ كۆردى كرى، ل پشت خۆ دهێلیت.