ل به‌رده‌ره‌ش كه‌سه‌ك هات كۆشتن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل به‌رده‌ره‌ش كه‌سه‌ك هات كۆشتن

به‌رى ده‌مه‌كێ ل قه‌زا به‌رده‌ره‌ش سه‌ر ب پارێزگه‌ها دهۆكێ ڤه‌ ژ ئه‌گه‌ره‌كێ نه‌دیار زه‌لامه‌ك هاتیه‌ كۆشتن و تا نۆكه‌ ئه‌گه‌رێ رۆیدانێ نه‌هاتیه‌ زانین.

موقه‌دم هێمن سلێمان، په‌یڤدارێ رێڤه‌به‌ریا پۆلیسێن پارێزگه‌ها دهۆكێ ب رێكا (باسنیوز) دیاركر: "به‌رى ده‌مه‌كێ ل ناحیا رۆڤیا یا سه‌ر ب قه‌زا به‌رده‌ره‌ش ڤه‌ ته‌رمێ زه‌لامه‌كێ هاتیه‌ دیتن كۆ ل گۆله‌یا هاتیه‌ كۆشتن و تا نۆكه‌ ئه‌گه‌رێ رۆیدانێ نه‌هاتیه‌ زانین".

په‌یڤدارێ پۆلیسێن دهۆكێ گۆت ژى: "ئه‌و زه‌لامه‌ دژیێ 55 سالیێ دا یه‌ و ب گۆله‌یان هاتیه‌ كۆشتن و پۆلیس هه‌ر بله‌ز ل جهێ رۆیدانێ به‌رهه‌ڤ بوونه‌ و په‌رێن ڤه‌كۆلینێ ده‌ستپێكرینه‌ و فه‌رمانا گرتنێ بۆ بكۆژان ده‌رچوویه‌".

لدیڤ پێزانینێن (باسنیوز) ئه‌و كه‌سێ هاتیه‌ كۆشتن، خه‌لكێ ناحیا شێلادزێ سه‌ر ب قه‌زا ئامێدیێ یه‌، ژ ئه‌گه‌ره‌كێ نه‌دیار ل قه‌زا به‌رده‌ره‌ش هاتیه‌ كۆشتن و تا نۆكه‌ ئه‌گه‌رێ كۆشتنا وى نه‌هاتیه‌ زانین.