كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

پوتین و بایدن لە سویسرا کۆ دەبنەوە

سەرۆکی هەردوو وڵاتی رووسیا و ئەمریکا، لە وڵاتێکی ئەوروپی کۆ دەبنەوە.

بەپێی هەواڵێکی ماڵپەڕی (RT)، ڤلادیمێر پوتین، سەرۆکی رووسیا بەرەو شاری جنێڤ لە سویسرا، بەڕێ کەوتووە.

بڕیارە کاتژمێر 11ـی پێش نیوەڕۆی ئەمڕۆ چوارشەممە 16-6-2021 بە کاتی ناوەندیی ئەوروپا (کاتژمێر 1ـی دوای نیوەڕۆ بە کاتی هەولێر)، ڤلادیمێر پوتین و جۆ بایدنی سەرۆکی ئەمریکا کۆ ببنەوە.

پوتین و بایدن سەرەڕای گفتوگۆکردن لەبارەی پەیوەندیی رووسیا و ئەمریکا، چەن تەوەرێکی دیکە تاوتوێ دەکەن، کە بریتین لە؛

- سەقامگیریی پەیوەندییەکان

- بەرەنگاربوونەوەی پەتای کۆرۆنا

- بەرەنگاربوونەوەی تاوانە ئەلیکترۆنییەکان

- هەماهەنگیی ئابووریی ۆسکۆ و واشنتن

- گۆڕانی کەشوهەوا

- ناکۆکییە جیهانییەکان