زاخۆ.. بەهۆی شەڕی پەکەکە و تورکیاوە گەشتیاران ناتوانن سەردانی 25 هاوینەهەوار بکەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

زاخۆ.. بەهۆی شەڕی پەکەکە و تورکیاوە گەشتیاران ناتوانن سەردانی 25 هاوینەهەوار بکەن

بەڕێوەبەری گەشتوگوزاری زاخۆش ئاشکرای کرد، 25 هاوینەهەوار لە سنووری قەزای زاخۆ کەوتوونەتە بەر هەڕەشەی شەڕی پەکەکە و تورکیا و گەشتیاران ناتوانن سەردانیان بکەن.

چیا ئه‌مین، بەڕێوەبەری گەشتوگوزاری زاخۆ بە (باسنیوز)ی گەیاند: "بەهۆی شەڕی نێوان پەکەکە و تورکیا، گەشتیاران ناتوانن بچن بۆ 25 هاوینەهەواری ناوچەکە، بەمەش زیانێکی گەورە بەر کەرتی گەشتیاری لە قەزای زاخۆ کەوتووە و زۆرترین ناوچە گەشتیارییەکانمان کەوتوونەتە بەر مەترسیی ئەو شەڕە و بەم هۆیەوە زیانی زیاتر لە 50% بە داهاتی کەرتی گەشتیاریی زاخۆ گەیشتووە".

ئاشکراشی کرد: "پەکەکە بەمەبەست شەڕی لە ناوچە گەشتیارییەکان هەڵگیرساندووە، بۆ ئەوەی رێ بۆ تورکیا خۆش بکات بێتە ئەو ناوچانەوە".

بەڕێوەبەری گەشتوگوزاری زاخۆ  گوتیشی: "گەشتیاران ناتوانن بچن بۆ هاوینەهەوارەکانی وەک "شەرانشا سەرێ و مێرگەشیشێ و سینومەرا و قەسرۆکێ و گەشانێ و سوورێ و بێکۆفا" و زۆر شوێنی دیکەی گەشتیاریش زیانیان بەر کەوتووە و خەڵک ناتوانێ سەردانیان بکات".