بێشکچی: هێرشەکانی پەکەکە بەشێکە لە پیلانەکان لە دژی کوردستان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بێشکچی: هێرشەکانی پەکەکە بەشێکە لە پیلانەکان لە دژی کوردستان

ئیسماعیل بێشکچی، بیرمەندی ناسراوی تورکیا و دۆستی دێرینی گەلی کوردستان رایدەگەیەنێت، هێرشەکانی پارتی کرێکارانی کوردستان (پەکەکە) بۆ سەر پێشمەرگە، بەشێکە لە پیلانە هەرێمییەکان لە دژی هەرێمی کوردستان.

ئیسماعیل بێشکچی لە لێدوانێکدا بۆ (کوردستان 24)، رایگەیاندووە: ئه‌وه‌ی په‌که‌که‌ ده‌یکات، دان نەنانە بە حکومه‌تی هه‌رێمی کوردستان و ئەو حزبە دەیەوێ قه‌واره‌ی هه‌رێمی کوردستان له‌ناو ببات.

بێشکچی جەختی لەوە کردووەتەوە، کە لە سەدەی رابردووەوە پیلانی نێودەوڵەتی لە دژی گەلی کوردستان دادەڕێژرێت و هێرشه‌کانی په‌که‌کەش‌ بۆ سه‌ر پێشمه‌رگه‌ بەشێکە لە پیانە هەرێمییەکان دژی هەرێمی کوردستان.

ئەو بیرمەندە، کە بەردەوام جەخت لە مافەکانی گەلی کوردستان دەکاتەوە، راشیگەیاندووە: په‌که‌که‌ دژ به‌ ده‌وڵه‌تی کوردییه‌ و بۆ بەرژەوەەندیی وڵاتانی ناوچەکە، دژایه‌تیی هه‌ر هه‌وڵێک بۆ دروستکردنی دەوڵەتی کوردی دەکات، هاوکاتیش پشتگیریی دروستکردنی دەوڵەتی فەلەستین دەکات.

ئیسماعیل بێشکچی پێی وایە بەهۆی ئەوەی پارتی دیموکراتی کوردستان حزبێکی سەربەخۆییخوازە و سەرکردایەتیی ریفراندۆمی سەربەخۆیی کوردستانی کرد، پەکەکە بەردەوام هێرش دەکاتە سەر پارتی.