قایمقامی مێرگەسۆر: 10 پڕۆژەی گرنگ كەوتوونەتە واری جێبەجێكردنەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

قایمقامی مێرگەسۆر: 10 پڕۆژەی گرنگ كەوتوونەتە واری جێبەجێكردنەوە

ژمارەیەك پڕۆژەی خزمەتگوزاری لە سنووری قەزای مێرگەسۆر كەوتوونەتە واری جێبەجێكردن و ژمارەیەك پڕۆژەی دیكەش ڕەزامەندییان لەسەر دراوە و لە ئایندەیەكی نزیكدا جێبەجێ دەكرێن.

غەفوور ئەحمەد، قایمقامی قەزای مێرگەسۆر بە (باسنیوز)ی ڕاگەیاند: "ئێستا ١٠ پڕۆژەی خزمەتگوزاری لە سنووری قەزای مێرگەسۆر جێبەجێ دەكرێن و بەشێك لە پڕۆژەكان قۆناغی زۆر باشیان بڕیوە و بە تەواوبوونیان ئاسانكاریی زۆر بۆ سنووری قەزاكە دەکرێت، بەتایبەتی بەشێكی زۆر لە پڕۆژەكان لە بواری ڕێگەوبانن، دەڤەری مێرگەسۆر ناوچەیەكی شاخاوی و بەرفراوانی ھەیە و ڕێگاكان تێك چوون".

گوتیشی: "لەلایەن حكوومەتی هەرێمی كوردستانەوە حەوت پڕۆژەی دیكەش لە سنووری قەزای مێرگەسۆر جێبەجێ دەکرێن و چاوەڕێی ڕەزامەندیی كۆتایین بۆ دەستپێكردنی ئەو پڕۆژانە و ئەمەش گرینگیی خۆی دەبێت بۆ مێرگەسۆر و گوندەكانی سنوورەكە".