ل دهۆكێ‌ چەوانیا بەرهەنگاریا هشكەسالیێ‌ بۆ دابینكرنا ئاڤا ڤەخارنێ هاتە گەنگەشەكرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆكێ‌ چەوانیا بەرهەنگاریا هشكەسالیێ‌ بۆ دابینكرنا ئاڤا ڤەخارنێ هاتە گەنگەشەكرن

رێڤەبەرێ‌ ئاڤا دەوروبەرێن پارێزگەها دهۆكێ‌ دیار كر مەترسیا هشكەسالیێ‌ ل سەر ژێدەرێن ئاڤێ‌ هێدی هێدی یا دیاربیت. هەتا نوكە چەند بیرێن ئاڤێ‌ تووشی كێمبوونێ‌ بووینە وبیرەك ژی هشكبوویە.

خەلات فەتاح، رێڤەبەرێ‌ ئاڤا دەوروبەرێن پارێزگەها دهۆكێ‌ بۆ (باسنیوز) دیار كر: "ئەڤرۆ 10/6/2021ێ‌ گەنگەشەك بۆ سەرسینگرتنا هشكەسالیێ‌ هاتە كرن داكو پلان وبەرنامە هەبن بۆ وان جه و دەڤەرێن هشكەسالیێ‌ ژێدەرێن ئاڤا ڤەخارنێ‌ هشك بكەت یان كێم بكەت وئاریشە تێدا ل پارێزگەها دهۆكێ‌ هەموو هەولدان ئەون بەرهەنگاریا هشكەسالیێ‌ بهێتە كرن ئاریشا ئاڤێ‌ دروست نەبیت لەورا ژی یا گرنگە پێڤەرێن ئاڤێ‌ بهێنە گرێدان داكو ئاڤ هەروە نەچیت. ئەڤ سالە ژبەر كێم بارینا بارانێ‌ مەترسی ل سەر ژێدەرێن ئاڤێ‌ هەیە لێ‌ ژ دەڤەرەكێ‌ بۆ دەڤەرەكێ‌ ئەڤ مەترسیا جۆدایە"

رێڤەبەرێ‌ ئاڤا دەوروبەرێن پارێزگەها دهۆكێ‌، ئاشكەرا كر كو: "ئەو دەڤەرێن ژێدەرێ وان یێ‌ ئاڤێ‌ سەر ئەرد بیت دێ‌ كارتێكرن كێمتر بیت بۆ نموونە ژی ل ئامێدیێ‌ پرۆژەی ئاڤێ‌ هەیەل قەزا سێمێلێ ژی هندەك دەڤەر پشت بەستنێ‌ ل سەر ئاڤا خراب دیمێ‌ دكەن رەوشا وان باشترە ژ وان دەڤەرێن پشت بەستنێ‌ ل سەر ئاڤا بیران دكەن چونكو دێ‌ پتر كارتێكرن ل وان دەڤەران بیت یێن ژێدەرێ ئاڤا وان بیر بن وەكو شێخان و بەردەرش".