لە كەركووك ڕۆمانی (پوور خورشید) چاپ و بڵاو كرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە كەركووك ڕۆمانی (پوور خورشید) چاپ و بڵاو كرایەوە

لە ڕێورەسمێكدا لە كتێبخانەی گشتیی كەركووك، ڕۆمانی (پوور خورشید) بڵاو كرایەوە و نووسەری ڕۆمانەكە ناوەڕۆكی ڕۆمانەكەی دەخاتە ڕوو.

شێخ سدیق، نووسەری ڕۆمانی پوور خورشید، بە (باسنیوز)ی ڕاگەیاند: "كتێبە نوێیەكەم ڕۆمانێكە و ناوەرۆکەکەی باسكردنە لە ئەنفال، بەڵام بە شێوازێكی فانتازی و باس لە خێزانێك دەكەم لە دێهاتە كە ئەوەش وابەستەیە بە مۆسیقا و ئیقاعاتی مەقامات لەو گۆشەنیگایەوە كارەكەم كردووە و دەمەوێ بڵێم ئەوە چییە كە كوردی پاراستووە لە مێژوودا و مانەوەی كورد لەڕووی زمان و كولتوور كە خاوەنی دەوڵەتیش نەبووە چۆنکە و كاتێك باسی مۆسیقا دەكەم لە ڕۆمانەكە مەبەستم زیاتر شمشاڵ و دەف و تەمبوریشە كە بەشێك بووە لە مێژووی كورد و پاراستنی كورد لەڕووی كولتورەوە كاریگەریی دروست كردووە".

گوتیشی: "دەمەوێ بڵێم ئەو هۆكارانەی سەرەوە ئێمەیان وەك نەتەوە هێشتووەتەوە، ئەوانە بەرهەمی ئەكادیمیاش نین، رەچەڵەكی ئەو مۆسیقایانە دوور و درێژە، هەروەها ئامێرە مۆسیقیەكانیش دیارن و لەناو ڕۆمانەكەدا ئیشم لەسەر شمشاڵ و دەف و مەقام کردووە، ئەو خێزانە ئیش دەكەن لەناو ئەو كۆمەڵگایە لە پرۆسەی ئەنفال یەكێكە لەو فاكتەرانەی چۆن دەڵێی ئەنفال دەیەوێت كورد پاكتاو بكات، بەڵام سروشتی كوردستان شاخەكانی و ئاو و كانیاوەكانی و مۆسیقاكەی لە پاڵ ئەوەدا شتێكی تر هەیە كە دروستبوونەوەی مرۆڤە لەڕێگەی مۆسیقا و هونەرەوە، واتە ئێمە نەفەوتاوین و ئەوانە ئامرازێكی یارمەتیدەرن بۆ مانەوەی كورد".

شێخ سدیق ڕوونیشی كردەوە: "بە نموونە لە ناوچەیەكی وەك گەرمیان هەمووی لەلایەن بەعسەوە تەخت كرا، بەڵام ئاوازەكان و مەقام و دەفەكان هەر مان و دەمەوێ بڵێم ئەگەر ئەنفالیش بكرێین، هونەر و كولتوور و مۆسیقاكەمان دەمانهێڵێنەوە".

ئەو نووسەرە ئەوەشی خستە ڕوو: "خێزانێك كە دایكیان ناوی پوور خورشیدە و رۆمانەكەش نازی پوور خورشیدە و دایكی دوو كوڕ و دوو كچە ئەو پوور خورشیدە دەفژەنە لە ماڵی شێخ مورید، من لە ڕۆمانەكەدا كارم بە دەفەكەیە، كارم بە شێخەكە نییە و كار لەسەر تەوەرە ئاینییەكە ناكەم، بەڵكوو كار لەسەر مۆسیقاكە دەكەم لەگەڵ فانتازیا و تابلۆكان قسە دەكات و كار لەسەر بۆراق دەكەم كە دەچێت بۆ ئاسمان و ئیتر ڕۆ دەچێتە ناو مۆسیقای سروشت و تەوزیفی هەموو ئەوانەم كردووە كە چەند گرنگن بۆ پاراستنی مێژووی كورد و ڕۆمانەكەش 208 لاپەڕەیە".

 شێخ سدیق، لە ساڵی 1966 لدایك بووە، نووسەر و رۆژنامەنووس و لێكۆڵەرە و بەرپرسی پێشووی لقی كەركووكی سەندیكای رۆژنامەنووسانی كوردستانە، خاوەنی چەند پەڕتووكێكی ئەدەبی و لێكۆڵینەوەیە.