گەشتوگوزاری سۆران: لە گەلی عەلی بەگ چەند پڕۆژەیەك دەکەونە واری جێبەجیكردنەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

گەشتوگوزاری سۆران: لە گەلی عەلی بەگ چەند پڕۆژەیەك دەکەونە واری جێبەجیكردنەوە

بارزان محەمەد، بەرێوەبەری گەشتوگوزاری سۆران رای گەیاند چەند پڕۆژەیەكی گەنگی گەشتیاری لە سنوورەکە كەوتوونەتە واری جێبەجێكردنەوەو لە داهاتووشدا پڕۆژەی زیاتری گەشتیاری دەست پێدەكەین.

بارزان محەمەد، بەرێوەبەری گەشتوگوزاری سۆران، لە لاپەڕەی تایبەتیی خۆی لە تۆڕی كۆمەڵایەتیی (فەیسبوك) لەگەڵ بڵاوكردنەوەی ڤیدیۆی ماستەپلانی پڕۆژەی گەشتیاری لە سنووری دەڤەری سۆران، نووسیوویەتی: "جوانترین پڕۆژەی سەركێشیی گەشتیاری لە هەرێمی كوردستان و ناوچەكە لە هاوینەهەواری گەلی عەلی بەگ لە جێبەجێكردندایە و پڕۆژەی سەركێشی گەشتیاریی گەلی شادی لە هاوینەهەواری گەلی عەلی بەگ، ئێستا لەلایەن كەرتی تایبەتەوە جێبەجێ دەكرێت، كە پێكدێت لە (بەلەمی سەركێشی، سەفاری، زیبلاین، كافتریای هەڵواسراو، كافتریا لە شێوەی بورجی ئیڤڵ، چەند یاریەكی ئاوی بۆ گەورە و منداڵان، ٤٠ مۆتێلی گەشتیاری، كۆشك، كەپری گەشتیاری، خواردنی خێرا، لەگەڵ چەند بەشێکی تر".

ئاماژەی بۆ ئەوەش كردووە كە لە ئایندەیەكی نزیكدا چەند پڕۆژەیەكی تری گرنگ و گەورەی گەشتیاری لە دەڤەری سۆران ڕادەگەیەنین.