بەوێنە.. لە كفری پێشانگایەكی كتێب كرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەوێنە.. لە كفری پێشانگایەكی كتێب كرایەوە

ئەمڕۆ پێنجشەممە لە شاری كفریی سەر بە ئیدارەی گەرمیان، بە بەشداریی چەندین دەزگای چاپ و بڵاوکردنەوە، پێشانگایەكی كتێب كرایەوە و بۆ ماوەی هەفتەیەك بەردەوام دەبێت.

بازیان سابیر، بەڕێوەبەری كتێبخانەی گشتیی كفری، بە (باسنیوز)ی ڕاگەیاند: "ئەمڕۆ پێنجشەممە 3ی 6ی2021 لە هۆڵی كتێبخانەی گشتیی كفری، پرۆژەی دۆستانی كتێب بە هاوكایی كتێبخانەی گشتیی كفری و بە بەشداریی دەزگاكانی نووسیار، كەپر، ناوەندی ئەدیبان، حاجی قادری كۆیی، ڕێنما، ڕێدار، سەنتەری زەهاوی بۆ لێكۆڵینەوەی فكری، ئارا، نارین و ئاراس، پێشانگایەكی كتێب كرایەوە".

گوتیشی: "زیاتر لە هەزار ناونیشانی جیاواز و زیاتر لە 5 هەزار كتێب بە زمانەكانی كوردی، عەرەبی و ئینگلیزی و لە بوارەكانی رامیاری، جوگرافی، دەرونزانی، ئەدەب، فەلسە، ئایین و منداڵان بوارەكانی تر لە پێشانگەکەدا نمایش کراون داشكاندنی 30% بۆ سەرجەم زمانەكان كراوە و پێشانگاكە بۆ ماوەی هەفتەیەك بەردەوام دەبێت".