ژبەر شەرێ‌ پەكەكێ‌ و توركیا پێنچ هزار دونمێن دارستانێ‌ دهۆکێ هاتینە سۆتن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ژبەر شەرێ‌ پەكەكێ‌ و توركیا پێنچ هزار دونمێن دارستانێ‌ دهۆکێ هاتینە سۆتن

ژ ئەگەرێ‌ شەرێ‌ پەكەكێ‌ و توركیا ل سنۆرێ‌ پارێزگەها دهۆكێ‌ رووبەرێ‌ مەزن دارستانێ‌ هاتینە سۆتن و تێكدان، رێڤەبەرێ‌ دارستان و پاوانی ل پارێزگەها دهۆكێ‌ دبیژت هەتا نها پێنج هزار دونمێن دارستانێ‌ هاتینە سۆتن و تێكدان و دار یێن هاتینە برین.

 كاوە سەبری فارس، رێڤەبەرێ‌ دارستان و پاوانێ‌ ل پارێزگەها دهۆكێ‌ بۆ (باسنیوز) راگەهاند كو: "ملیۆنەك و700 هزار دونەمێن دارستانا دەستكرد و سرۆشتی ل پارێزگەها دهۆكێ‌ هەنە، ژیێ‌ هندەك داران زۆر یێ‌ مەزنە و مە دڤیت رووبەرێ‌ دارستانێ‌ بهێتە پاراستن و نەهێتە تێكدان كو ژ ئەگەرێ‌ شەرێ‌، رووبەرێ‌ پێنچ هزار دونمێن دارستان و پاوانێ‌ هاتینە تێكدان و زیانەكا گەلەك مەزن ژبەر شەرێ‌ یا گەهشتیە دارستانێ‌ رووبەرەكێ‌ مە یێ‌ دارستانێ‌ هاتییە سۆتن و تێكدان و دار یێن هاتینە برێن، ئەو دارێن هاتینە سۆتن و تێكدان ژیێ‌ وان دگەهتە 50 سالان هەكە پتر ژی نەبیت ژیێ‌ وان داران نەبتنی كانی ماسێ‌ و باتیفا دارستان هاتییە تێكدان و سۆتن هەتا پێنچ هزار دونمێن دارستانێ‌ یێن هاتینە تێكدان گەلەك ژی هاتینە سۆتن و برین".

ئاشكەرا كر كو: "پرۆژەك هەیە بۆ رووپێڤانا دارستانێ‌، ئەڤ پرۆژە بەرێ‌ چەند سالە هاتبوو دەستپێكرن، هەكە نۆكە شیان و پشتەڤانیی هەبیت دێ‌ جارەكا دێ‌ دەست ب رووپیێڤانا داراستانێ‌ كەن بۆ وی چەندی بزانن رووبەرێ‌ دروست یێ‌ دارستانێ‌ دیار بیت".

رێڤەبەرێ‌ دارستان و پاوانێ‌ ل پارێزگەها دهۆكێ‌ گۆتژی: "ل پارێزگەها دهۆكێ‌ نەمامگەه هاتییە دروستكرن بۆ وی چەندی رووبەرێ‌ كەسكاتیێ‌ بهێتە زێدەكرن، ل هەموو دەڤەران هەروەسا ژی بهێتە پاراستنێ‌ كو ژ ئەگەرێ‌ سۆتن و تێكدانا دارستانێ‌ زیانێن مەزن یێن گەهشینە ژینگەهێ‌ نەخاسمە ژی تەیر و تەوالێن ناڤدا".