سەركۆماری توركیا بەشێك لە ڕێكارەكانی خۆپاراستن لە كۆڕۆنای هەڵوەشاندەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

سەركۆماری توركیا بەشێك لە ڕێكارەكانی خۆپاراستن لە كۆڕۆنای هەڵوەشاندەوە

ئەمڕۆ دووشەممە رەجەب تەیب ئەردۆغان سەركۆماری توركیا بەشێك لە ڕێكارەكانی خۆپاراستن لە پەتای ڤایرۆسی كۆڕۆنای هەڵوەشاندەوە و ڕای گەیاند لە ڕۆژی سێشەممەوە چێشتخانەكانی وڵاتەكە دەكرێنەوە.

ئەردۆغان لە لێدوانێكدا ئاشكرای كرد لە سەرەتای مانگی داهاتووەوە ئاسانكاری لە ڕێوشوێنەكانی هاتوچۆدا دەكەن، بەشێك لە بازاڕەكان و چێشتخانەكان دەكرێنەوە.

هەروەها گوتیشی لەمەودوا قەدەغەی هاتوچۆ لە كاتژمێر ١٠ی شەوەوە تا پێنجی بەیانی جێبەجێ دەكرێت.

سەركۆماری توركیا ئەوەشی گوت كە لەمەودوا چێشتخانەكان لە كاتژمێر حەفتی بەیانییەوە تاكو نۆی شەو بەپێی ڕێوشوێنی دیاریكراو بۆ ژمارەیەكی دیاریكراوی میوان دەكرێنەوە، تا نیوەی شەویش خزمەتگوزاری گەیاندنی خواردن بۆ ماڵان بەردەست دەبێت.

هەروەها لە سبەینێ سێشەممەوە قاوەخانەكان، یاریگە جەماوەرییەكان، هۆڵە وەرزشییەكان و باخچەكان لە كاتژمێر حەفتی بەیانییەوە كراوە دەبن تا نۆی شەو، بەرەچاوكردنی ڕێوشوێنەكانی خۆپاراستن لە پەتای كۆرۆنا.