سەرۆكی ئەمریكا یەكەم پەیوەندیی تەلەفۆنی لەگەڵ سەرۆكی چین ئەنجام دا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

سەرۆكی ئەمریكا یەكەم پەیوەندیی تەلەفۆنی لەگەڵ سەرۆكی چین ئەنجام دا

ئێوارەی ئەمڕۆ یەكشەممە جۆ بایدن سەرۆكی ئەمریكا بۆ یەكەم جار لەوەتەی گرتنە دەستی دەسەڵاتی كۆشكی سپی، پەیوەندییەكی تەلەفۆنی لەگەڵ شی جین بینگ سەرۆكی چین ئەنجام دا.

پێش كەمێك بایدن لە میانی وتارێكی جەماوەریدا ڕای گەیاند كە ئەم ئێوارەیە پەیوەندییەكی تەلەفۆنی لەگەڵ بینگ ئەنجام داوە و پێی ڕاگەیاندووە ناشێت داوای پاراستنی مافی مرۆڤ لە جیهاندا نەكەن.

بایدن گوتی پەیوەندییەكی تەلەفۆنیی درێژمان لەگەڵ سەرۆك شی ئەنجام دا، بۆم ڕوون كردەوە كە نابێ داوای پاراستنی مافەكانی مرۆڤ لە سەرتاپای جیهان نەكەن.

ئەمە یەكەم پەیوەندیی تەلەفۆنیی بایدن و شییە لەوەتەی بایدن لە كانوونی دووەمی ئەمساڵەوە پۆستی سەرۆكایەتی ئەمریكای وەرگرتووە، پێشتر بایدن لە سەردەمی سەرۆكایەتی باراك ئۆبامادا، وەك جێگری سەرۆكی ئەمریكا، چەند جارێك دیداری لەگەڵ شی بینگ هەبووە.

جێی باسە جۆ بایدن بەر لە چەند ڕۆژێك لە وتەیەكدا گوتبووی سەرۆكی چین وا بیر دەكاتەوە دوای پازدە ساڵی تر، چین دەست بەسەر ئەمریكادا دەگرێت.

لە وەڵامی ئەم وتەیەشدا، گوتەبێژی وەزارەتی دەرەوەی چین رای گەیاندبوو كە چین هەوڵی وتوێژ دەدات لەگەڵ ئەمریكا لەپێناو خزمەتكردنی بەرژەوەندییەكانی مرۆڤایەتی لە جیهاندا.