داودئۆغڵو شەهیدکردنی دوو هاووڵاتی کورد بەشێوەیەکی دڕندانە ئاشکرا دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

داودئۆغڵو شەهیدکردنی دوو هاووڵاتی کورد بەشێوەیەکی دڕندانە ئاشکرا دەکات

سەرۆک وەزیرانی پێشووتری تورکیا و سەرۆکی پارتی پارتی ئایندە (ئۆپۆزیسیۆن)ی تورکیا، شەهیدکردنی دوو هاووڵای کورد لە باکووری کوردستان بەشێوەیەکی دڕندانە، ئاشکرا دەکات.

ئەحمەد داودئۆغڵو، سەرۆكی پارتی ئایندە لە توركیا، گوتەی سولەیمان سۆیلوی وەزیری ناوخۆی وڵاتەکەی بە درۆ دەخاتەوە، كە رایگەیاندبوو: لە توركیا كوشتنی نهێنی نییە.

سولەیمان سۆیلو لە دیمانەیەكیدا لەگەڵ كەناڵی (خەبەر تورک)، باسی ئەوەی کردووە، کە ئەحمەد داودئۆغڵو لە دوای هەڵبژاردنی 2015، دەیویست لەگەڵ پارتی دیموکراتی گەلان (هەدەپە) هاوپەیمانی ببەستێت.

ئەحمەد داودئۆغڵو لە دیمانەیەكیدا لەگەڵ كەناڵی تەلەڤزیۆنی (فۆكس تی ڤی) وەڵامی سۆیلوی داوەتەوە و رایگەیاندووە:، کە هەموو شتێك ئاشكرا دەکات.

داودئۆغڵو گوتویەتی، ”ئەوكاتەی سەرۆك وەزیرانی توركیا بووم، بیناڵی یڵدرم و بەرات ئالبەیراك و سولەیمان سۆیلو تەڵەیان بۆم دانابووە و ببوونە سیخوڕی رەجەب تەییب ئەردۆغانی سەركۆماری توركیا. ئەوكات دەمویست بە یاسا پەیوەندی لە نێوان دەوڵەت و مافیا نەهێڵم، بەڵام رێگرییان لێكردم“.

داودئۆغڵو ئەو لێدوانەی، سۆیلوی بە درۆ خستووەتەوە، کە گوتبووی لە تورکیا کوشتنی نهێنی نییە و ئاماژەی بە شەهیدکردنی دوو هاووڵاتیی کورد کردووە، کە لە سنووری پارێزگای وان لە باکووری کوردستان لە ناو هەلیکۆپتەر لە ئاسمان فڕێ دراونەتە خوارەوە و شەهید کراون و رایگەیاندووە: ”ئەی كێ بوو دوو هاووڵاتی كوردی خەڵكی وانی لە هەلیكۆپتەرەوە فڕێدایە خوارەوە؟ ئەمە كوشتنی نهێنی نییە؟“.