تەندروستیی عێراق: بەم نزیکانە پێکوتەی رووسی دەگات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

تەندروستیی عێراق: بەم نزیکانە پێکوتەی رووسی دەگات

وەزارەتی تەندروستیی عێراق پێکوتەی کۆرۆنا، کە لە رووسیا دروستکراوە، دەکڕێت و ”بەم نزیکانە“ دەگات.

ئەمڕۆ شەممە 22-5-2021، هەیسەم ئەلعوبەیدی، بەڕێوەبەری پەرەپێدانی تەندروستی لە وەزارەتی تەندروستیی عێراق بە رۆژنامەنووسانی راگەیاندووە: وەزارەتەکەی رێکارەکانی گرێبەستی کڕینی پێکوتەی (سپۆتنیک V)ی لەگەڵ بەرپرسانی رووسیا تەواو کردووە.

هەیسەم ئەلعوبەیدی هەروەها رایگەیاندووە: ”بەم نزیکانە“ کاروانێکی پێکوتەی سپۆتنیک Vـی رووسی دەگاتە عێراق.

تا ئێستا پێکوتەکانی سینۆفارمی چینی، ئەسترازینکای بەریتانی و فایزەری ئەمریکی لە عێراق بەردەستن، کە بەشێکیان وەک هاوکاری بە عێراق دراون.

تا ئێستا یەک ملیۆن و 160 هەزار و 494 کەس لە عێراق تووشی پەتای کۆرۆنا بوون و لەو ژمارەیەشدا، 16 هەزار و 137 کەس گیانیان لەدەست داوە.