هەرێمی کوردستان.. لە ١٠ ساڵی رابردوودا زیاتر لە ملیۆنێک دۆنم دارستان و پوش و پاوان سووتاون
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

هەرێمی کوردستان.. لە ١٠ ساڵی رابردوودا زیاتر لە ملیۆنێک دۆنم دارستان و پوش و پاوان سووتاون

دەستەی پاراستن و چاککردنی ژینگە ئاشکرای دەکات کە لە ماوەی دە ساڵی رابردوودا بەھۆی ئاگرکەوتنەوەوە زیاتر لە ملیۆنێک دۆنم لە دارستان و پوش و پاوان سووتاون.

ئەحمەد محەمەد، گوتەبێژی دەستەی پاراستن و چاککردنی ژینگە، بە (باسنیوز)ی راگەیاند: "ئاگرکەوتنەوە چەندین هۆکاری هەیە، (۹٥٪)ی هەموو سووتانەکان بەئەنقەست و بەمەبەستە، رێژەی سەوزایی لە هەرێمی کوردستان پێویستی بەبەرزکردنەوە هەیە بۆ ئاستی ستاندارد و سەرووی (۱٥٪) ، هەرچەندە ساڵانە هەڵمەتی سەوزکردن بەردەوامە، بەڵام لە ئاست زۆربوونی دانیشتووان و چالاکییەکانی مرۆڤ نییە".

راشیگەیاند: "هەرێمی کوردستان خاوەنی زیاتر لە دوو ملیۆن و ( ۳۲۷) هەزار دۆنم دارستانی سروشتی و (۳٥) هەزار دۆنم دارستانی دەستکردە، بەپێی ئاماری وەزارەتی کشتوکاڵ و سەرچاوەکانی ئاویش لە ماوەی (۱۰) ساڵی ڕابردوودا بەهۆی ئاگرکەوتنەوە، ملیۆنێک و (۳۰) هەزار و (٨۷۳) دۆنم دارستان و پاوان لە هەرێمی کوردستان سووتاون".

ناوبراو گوتیشی: "زۆرترین ئەو دارانەی لە ساڵای ڕابردوو سووتاون بریتی بوونە لە دارەکانی(مازوو، بەڕوو، قەزوان، سنەوبەر، کالیپتۆس و گێوژ)".