كتێبی سەرەتایەك بۆ جێندەرناسی چاپ و بڵاو كرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

كتێبی سەرەتایەك بۆ جێندەرناسی چاپ و بڵاو كرایەوە

كتێبی سەرەتایەك بۆ جێندەرناسی لە نووسینی پەیڕەو ئەنوەر بە شێوەی قەبارە مام ناوەند كە لە ٨٠ لاپەڕە پێك هاتووە، چاپ و بڵاو كرایەوە.

پەیڕەو ئەنوەر نووسەری كتێبی سەرەتایەك بۆ جێندەرناسی بە (باسنیوز)ی ڕاگەیاند: "ئەم كتێبە وێڕای پێشەكی، لە سێ بەشی سەرەكی پێكدێت: بەشی یەكەم: چوارچێوەی تیۆری و مێژووی چەمكی جێندەر و وێنەی جێندەر لەناو میتۆلۆژیا/ ئەفسانەناسی و جیاوازیی نێوان جێندەر و رەگەز و توندوتیژی و پرسە جێندەرییەكان و ریشە مێژووییەكەی. بەشی دووەم: باس لە فێمێنیزم و شەپۆلەكانی دەكات. فێمێنیزم چییە و كەی بزووتنەوەی رزگاریی ژنان سەری هەڵداوە و خواست و داواكاری و پڕۆژەكانیان چی بووە لە قۆناغە جیاوازەكانی مێژوودا".

گوتیشی: "بەشی سێیەم: باس لە جێندەر و كۆمەڵگەی كوردی و سێكس و دەسەڵات و خێزان و توندوتیژی و فۆڕمەكانی تری توندوتیژی لەسەر بنەمای جێندەری دەكات".

پەیڕەو ئەنوەر لەبارەی ناوەڕۆكی كتێبەكەوە ڕای گەیاند: "كتێبەكە تیشك دەخاتەسەر پرسە جێندەرییەكان و ئەو ململانێیە مێژوویی و قووڵەی كە لە نێوان هەردوو رەگەزدا هەبووە و هەموو ئەو جیاكارییەی كە بەرانبەر ئافرەت كراوە و ئەنجام دراوە و خۆرێكخستنەوەی ئافرەتان و خەبات و بەرخودانیان بۆ گەیشتن بە مافە بنەڕەتییەكانیان و بەرەنگاربوونەوەی توندوتیژی لەسەر بنەمای جێندەری".

ئەو نووسەرە گوتیشی: "ئەم كتیببە لە لایەن "لوقمان رەشیدی"یەوە دیزاینی بۆ كراوە و لە ٨٠ لاپەڕە پێکهاتووە و بە شێوەی قەبارە مام ناوەند چاپ کراوە".