گوتەبێژی حکوومەتی هەرێمی کوردستان لە ڕۆژی جەژندا سەنگەرەکانی پێشمەرگەی بەسەر کردەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

گوتەبێژی حکوومەتی هەرێمی کوردستان لە ڕۆژی جەژندا سەنگەرەکانی پێشمەرگەی بەسەر کردەوە

ئەمڕۆ پێنجشەممە 13ی 5ی2021 ، كە هاوكاتە لەگەڵ یەكەم رۆژی جەژنی رەمەزان، گوتەبێژی حكوومەتی هەرێمی كوردستان، میحوەری كەركووكی هێزی پێشمەرگەی كوردستانی لە سنوری پردێ بەسەر کردەوە و لە شوێنی شەهیدە نوێیەکان، پیرۆزبایی جەژنی لە هێزی پێشمەرگە کرد.

نووری حەمەعەلی، بەرپرسی میحوەری كەركووكی هێزی پێشمەرگەی كوردستان، بە (باسنیوز)ی ڕاگەیاند: "وەك وەفایەك بۆ خوێنی ئاڵی شەهیدانی 1ی ئایاری ئەمساڵ كە لە میحوەری كەركووك و لە سنووری پردێ بە دەستی تیرۆریستانی داعش شەهید كران، لەگەڵ د. جووتیار عادل گوتەبێژی حكوومەتی هەرێمی كوردستان و ژمارەیەك لە فەرماندەكانی پێشمەرگە، لە یەكەم ڕۆژی جەژنی ڕەمەزان و لە شوێنی شەهیدكردنی ئەو پێشمەرگانە پێشوازیمان لە هاتنی حەژنی رەمەزان كرد".

ئەو فەرماندەیەی پێشمەرگە گوتیشی: "ئەو یادكردنەوەیە پەیامێك بوو بۆ تیرۆریستان كە تا دوایین دڵۆپی خوێنمان لەسەر رێبازی شەهیدان بەردەوام دەبین و بە خوێن پارێزگاری لە خاكی پیرۆزی كوردستان دەكەین".

ڕێکەوتی ١ی٥ی٢٠٢١ تیرۆریستانی داعش پەلاماری میحوەری كەركووكی هێزی پێشمەرگەی كوردستانیان لە سنووری پردێ دا و بەو هۆیەوە سێ پێشمەرگە شەهید بوون.