ساخلەمیا دهۆكێ:‌ رۆژێن جەژنێ‌ پشكنینێن كۆرۆنایێ‌ دهێنە ئەنجامدان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ساخلەمیا دهۆكێ:‌ رۆژێن جەژنێ‌ پشكنینێن كۆرۆنایێ‌ دهێنە ئەنجامدان

بەرپرسێ‌ راگەهاندنێ‌ رێڤەبەریا گشتیی ساخلەمیا پارێزگەها دهۆكێ‌ دیار كر رۆژێن جەژنا رەمەزانێ‌ دێ‌ پشكنینێن كۆرۆنایێ‌ بۆ وەلاتیان هێنە ئەنجامدان.

حەمزە رەزیكی، بەرپرسێ‌ راگەهاندنێ‌ رێڤەبەریا گشتیی ساخلەمیا پارێزگەها دهۆكێ‌ بۆ (باسنیوز) راگەهاند كو: "هەر ئەڤرۆ 13/5/2021ێ‌ رۆژا ئێكی یا جەژنا رەمەزانا پیرۆز  هەموو رۆژێن دێ‌ یێن جەژنا رەمەزانا پیرۆز دێ‌ پشكنینێن كۆرۆنایێ‌ هێنە ئەنجامدان، لەورا ئەم ئاگەهداریا وەلاتیێن خوشتڤی دكەین رۆژێن جەژنا رەمەزانا پیرۆز رۆژانە پشكنینێن كۆرۆنایێ‌ ل رێڤەبەریا كارۆبارێن خۆ پاراستنا ساخلەمیا پارێزگەها دهۆكێ‌ دهێنە ئەنجامدان، ب ڤێ‌ شێوەیێ‌ دێ‌ بەردەوامی ب ئەنجامدانا پشكنینان هێتە دان ئەوژی ل دەمژمێر نەهێ‌ سپێدی هەتا ئێكێ‌ نێڤرۆ بۆ كەسێن نەخۆش وبەركەفتێن تووشبوویێن كۆرۆنایێ‌".

بەرپرسێ‌ راگەهاندنێ‌ رێڤەبەریا گشتیی ساخلەمیا پارێزگەها دهۆكێ‌ ئاشكەرا كر كو: "رۆژانە ژ دەمژمێر سێ‌ پشتێ‌ نێڤرۆ هەتا حەفتێ‌ ئێڤاری دێ‌ پشكنینێن كۆرۆنایێ‌ بۆ كەسێن گەشتێ‌ دكەن دهێنە ئەنجامدان".