رێڤهبهریا چاپ و بهلاڤكرنا دهۆكێ: ئهڤ بریاره سیاسى نینه و بریارا وهزارهتا رهوشهنیرى یه
ب بریارا وهزارهتا رهوشهنبیرى و لاوان یا حكۆمهتا ههرێما كۆردستانێ و د ههمان دهم دا ب دهركهفتنا نڤێسارهكا فهرمى یا رێڤهبهریا چاپ و بهلاڤكرنا پارێزگهها دهۆكێ، ژڤانه پشتى جهژنا رهمهزانا پیرۆز، 25 كهنالێن لۆكالى كۆ پهخشێ خۆ دكهن، پهخشێ وان بهێته راوهستاندن و بهێنه گرتن.
بۆرهان یهحیا، پهیڤدارێ رێڤهبهریا چاپ و بهلاڤكرنێ ل دهۆكێ بۆ (باسنیوز) دیاركر:" ل سالا 2017 ل دهمێ هاتنا چهكدارێن داعش ل گهرمه گهرما كاودانێن نهخۆش دا چهندین كهنالێن لۆكالى ل پارێزگهها دهۆكێ دهست ب پهخشى كریه كۆ نها دا مه ل پارێزگههێ 35 كهنالێن ناڤخۆى ههنه كۆ 10 كهنالان دهستیریا فهرمى ههیه و 25 كهنالان دهستیرى نینه كۆ بهشهك ژ وان چهند ساله داخازا دهستیریێ كرى لێ پێ نههاتیه دان".
گۆت ژى: "رهزامهندیا وهزارهتا ناڤخۆ بۆ وان كهنالان نههاتیه دان و وهزارهتا رهوشهنبیرى ژى دخازیت ههر كهنالهكێ دهستیرى نهبیت بهێت دائێخستن و رێڤهبهریا مه نڤیسارهكا فهرمى ئهو كهناله ئاگههداركرنه كۆ پهخشێ خۆ براوهستینن".
پهیڤدارێ رێڤهبهریا چاپ و بهلاڤكرنێ بۆ (باسنیوز) گۆت ژى: "ههتا پشتى جهژنێ مه دهرفهت دایه وان كهنالان كۆ پهخشێ خۆ براوهستینن و ئهگهر پێگیر نهبن دێ ب نڤسیارهكا فهرمى ناڤێن وان بۆ كارگێریا خۆجها پارێزگههێ هێنه رهوانهكرن بۆ جهئینانا رێكارێن پێتڤى".
ناڤبرى دۆپات ژى كر:" گرتنا ڤان كهنالێن ناڤخۆى هندهك كهنالان ب سیاسى ناڤ كریه، لێ چ راستى بوو نینه و ئهو كهنالێن دێ هێنه گرتن نێزیكى ههمى لایهنانه و هند كهنال ژى گرێداى كهسێن بازرگانانن و دخازین پێگیریێ ب بریارا ناڤبرى بكهن، چونكه پشتى جهژنێ ههر رێكارهكا پێتڤى بیت ل ههمبهر وان كهنالان دێ هێته ئهنجامدان".