فه‌رهاد كه‌ركووكی: ئه‌و داعشانه‌ی ئێستا هێرش ده‌كه‌نه‌ سه‌ر پێشمه‌رگه‌ ئەوانەن کە لاهور جەنگی ئازادی کردن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

فه‌رهاد كه‌ركووكی: ئه‌و داعشانه‌ی ئێستا هێرش ده‌كه‌نه‌ سه‌ر پێشمه‌رگه‌ ئەوانەن کە لاهور جەنگی ئازادی کردن

ئه‌ندامێكی ئه‌نجوومه‌نی سه‌ركردایه‌تی كه‌ركووك-گه‌رمیانی پارتی دیموكراتی كوردستان رایدەگەیەنێت، ئەو چەکدارانەی رێکخراوی تیرۆریستی داعش، کە ئێستا هێرش دەکەنە سەر هێزەکانی پێشمەرگە، هەمان ئەو چەکدارانە بوون کە لە سلێمانی ئازاد کران.

د.فه‌رهاد كه‌ركووكی، ئه‌نجوومه‌نی سه‌ركردایه‌تی كه‌ركووك-گه‌رمیانی پارتی بە (باسنیوز)ی راگەیاند: ئازادکردنی زیندانییە داعشەکان لە سلێمانی، كۆمه‌ڵگای نێوده‌وڵه‌تی و ئه‌مه‌ریكاشی نیگه‌ران كردووە، ”چۆن ده‌كرێت حزب بە ئارەزووی خۆی هەڵسوکەت به‌ دیلی داعشه‌وه‌ بكات“.

فەرهاد کەرکووکی جەختی لەوە کردەوە، کە ئەو چەکدارە داعشانەی ئێستا ناوبەناو هێرش دەکەنە سەر پێشمەرگە، هەمان ئەو چەکدارە داعشانە بوون بە گرووپی خیانەتی 16ـی ئۆکتۆبەری 2017، لە سلێمانی ئازادیان کردن و رادەستی پارێزگاری ناشەرعیی کەرکووکیان کردنەوە.

ئەو ئەندامەی ئەنجوومەنی سەرکردایەتیی کەرکووک - گەرمیانی پارتی ئاماژەی بەوەش کرد، کە لاهور جەنگیی سەردەستەی گرووپی خیانەتکاری  16ـی ئۆکتۆبەری 2017 ویستی لەڕێی ئازادکردنی چەکدارە داعشەکان ”شتێکی دەستکەوێت، بەڵام هیچی دەست نەکەوت“.

هەروەک فەرهاد کەرکووکی رایگەیاند، ئێستا ئەو چەکدارە داعشانەی لاهور شێخ جەنگی ئازادی کرد، مەترسییان لەسەر کەرکووک و خەڵکەکەی دروست کردووە و خۆیان رێک خستووەتەوە.

رۆژی 11-5-2019، دوای رێککەوتنی لاهور جەنگی و راکان جبووریی پارێزگاری ناشەرعیی کەرکووک، بە چەند کاروانێک و لە چەند کاتێکی جیاواز، سەدان دیلی تیرۆریستی داعش کە لە گرتووخانەکانی  سنووری سلێمانی بوون، ئازاد کران و نێردرانەوە کەرکووک، ئێستا هەمان ئەو تیرۆریستانە دەستیان داوەتەوە چەک و دژی پێشمەرگە جموجۆڵ دەکەن.

 وێنەکانی کاتی ئازادکردنی چەکدارەکانی داعش لەلایەن ئاراس جەنگی بە فەرمانی لاهور جەنگی