سەرۆكی فراکسیۆنی پارتی لە ئەنجوومەنی پارێزگای هەولێر: قسەکانی هاوڕێ مەلا ستار هیچیان راست نین
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

سەرۆكی فراکسیۆنی پارتی لە ئەنجوومەنی پارێزگای هەولێر: قسەکانی هاوڕێ مەلا ستار هیچیان راست نین

سەرۆكی فراکسیۆنی پارتی لە ئەنجوومەنى پارێزگاى هەولێر وەڵامى پەرلەمانتارێکى یەکێتیی نیشتمانیی كوردستان دەداتەوە لە بارەى بڵاوكردنەوەی زانیاریی هەڵبەستراو لەسەر فرۆشتنى چەند شوێنێکى ستراتیژیی هەولێر و جەختدەکاتەوە قسەکانى ئەو پەرلەماننارە هیچ بنەمایەکیان نییە و دوورن لە راستییەوە و بۆ شاردنەوەی ئەو شەرمەزارییەیە كە لە ئەنجامی فرۆشتنی باڵاخانەی دادگای سلێمانی و پلانی فرۆشتنی قوتابخانەكانی شارەكە تووشی یەكێتی بووە.

کەنعان خەیلانى، سەرۆکى فراکسیۆنى پارتى لە ئەنجوومەنى پارێزگاى هەولێر بە (باسنیوز)ى راگەیاند: "پەرلەمانتارێکى فراکسیۆنى یەکێتى بەبێ بوونى هیچ بەڵگەیەک قسەی ناڕاست لەسەر فرۆشتنى چەند جێگایەکى ستراتیژى و دێرینى شارى هەولێر دەکات لەوانەش باڵاخانەى پارێزگا، سایلۆى هەولێر لەسەر شەقامى 60 مەترى، خانووەکانى كارگەی نەسیج، ئێمە وەکوو ئەنجوومەنى پارێزگاى هەولێر دڵنیایی دەدەینە هەموولایەک ئەو قسانەى ئەو پەرلەمانتارە هیچ بنەمایەکیان نییە و سەرتاپاى هەڵبەستراون و دوورن لە راستییەوە".

جەختیشی كردەوە، قسەكانی ئەو پەرلەمانتارە لەم كاتەدا بۆ پەردەپۆشکردنى پرۆسەی هەڕاجکردنى چەندین پارچە زەوىی ستراتیژیی سلێمانییە کە ماوەیەکە دەستى پێکردووە لەسەر دەستى بەرپرسانى ئیداریی پارێزگاى سلێمانى، ”با ئەو پەرلەمانتارە بچێت بەدواداچوون بۆ زەوییە نایابەکانى سلێمانى بکات کە بە رۆژى رووناک هەرزانفرۆش کران و ئەگەر باڵاخانەیەك یان خانووێكیشیان لەسەر بووبێت، ڕووخێندران، لەوانەش سایلۆى سلێمانى و چەندین شوێنى ستراتیژیی دیكە".

ئاماژەى بە ئەوەش کردو ئەو کەسانە چاویان بە پێشکەوتنى هەولێر هەڵنایەت، چونکە پرۆسەی ئاوەدانى و بەرەوپێشچوونى هەولێرى پایتەخت گەواهیدەرى ئەو ڕاستییەن و دەیسەلمێنن بودجەى پەرەپێدانى پارێزگاکان لە هەولێر لەچیدا خەرجکراوە و لە سلێمانیش چى لێهاتووە!

گوتیشی: ”ئەمڕۆ هەولێر بۆتە سەنتەرێکى گرنگى بڕیارى سیاسى و ناوەندێکى گرنگى ئابووى و لانەیەکى ئارامى بەیەکەوە ژیانى سەرجەم پێکهاتە و ئایینە جیاجیاکان".