دهۆک.. با‌نده‌كێ دزیكه‌ران هاته‌ ده‌سته‌سه‌ركرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

دهۆک.. با‌نده‌كێ دزیكه‌ران هاته‌ ده‌سته‌سه‌ركرن

په‌یڤدارێ پۆلیسێن پارێزگه‌ها دهۆكێ دیاركر:" بانده‌كێ دزیكه‌ران یێ پێكهاتى بوو ژ سێ ژنان ژى دناڤبه‌را 25 سالى هه‌تا 40 سالى، هاتینه‌ ده‌سته‌سه‌ركرن دووڤ بریارا دادوه‌رى ڤه‌كۆلینێ و پێنچ سكالا ل سه‌ر هاتینه‌ تۆماركرن.

هێمن سلێمان، په‌یڤدارێ پۆلیسێن پارێزگه‌ها دهۆكێ بۆ (باسنیوز) راگه‌هاند كو: پشتى هژماره‌كا سكالا هاتینه‌ تۆماركرن ژلایێ وه‌لاتیێن ژن ڤه‌ كو چه‌نتێن وان هاتینه‌ دزین و كوژمێن پاره‌ و زێر و موبایلێن وان ناڤ چه‌نتان دا هاتینه‌ دزین، ئێكسه‌ر پولیسێن نه‌هێلانا گونه‌هباریان ل دهۆكێ ده‌ست ب دوڤچوون و ڤه‌كۆلینێ كر و دیاربوو چه‌ند ژنن ڤان تاوانان ئه‌نجام ده‌ن.

هێمن سلێمان هەروسا گۆت، دماویێ هه‌یڤا ره‌مه‌زانا پیرۆزدا ئەو سێ ژن دزیێ ژ هنده‌ك ژنان كرینه‌ د ناڤ بازارێ دهۆكێدا پشتى خرڤه‌كرنا زانیاریان، پولیسان شیا دزیكه‌ران ده‌سته‌سه‌ربكه‌ن كو ”بانده‌كێ تاوانبارێن ژن بوون ژ ده‌وروبه‌رێن پارێزگه‌ها كه‌ركووک هاتینه‌ ناڤ دهۆكێ دا كارێن دزیێ ئه‌نجام دان و كوژمه‌كێ زۆر یێ پاره‌ دگه‌ل وان ژنان هاتینه‌ ده‌سته‌سه‌ركرن".

ئاشكه‌را ژی كر كو:"ئەو سێ ژن هژماره‌كا زۆر یا دزیان كرینه‌ هه‌ر جهه‌كێ وان ڤیا ب شاره‌زایێ دزیێ كرن، ”لێ نه‌شیان ژ یاسایێ رزگاربن هاتنه‌ ده‌سته‌سه‌ركرن و هه‌ر كه‌سه‌كێ دزیێ ژى هاتبنه‌ كرن دشێت سكالایێ تۆمار بكه‌ت".