هاوڕێ مەلا ستار بە كوشتنی كەسێك تۆمەتبارە و بە فشاری لاهوور جەنگی دۆسیەكەی داخراوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

هاوڕێ مەلا ستار بە كوشتنی كەسێك تۆمەتبارە و بە فشاری لاهوور جەنگی دۆسیەكەی داخراوە

پارێزەری تۆمەتبارەكە: چەندان بەڵگەی یەكلاكەرەوە هەیە كە دەیسەلمێنێت ئەو تاوانەی ئەنجام داوە

ئەندامێكی فراكسیۆنی یەكێتیی نیشتمانیی كوردستان بە كوشتنی ئەنقەستی كارمەندێكی ئاسایشی كفری تۆمەتبارە كە پێشتر ناكۆكییان لەسەر هەبووە، كەچی لە لایەن لاهوور جەنگی، سەردەستەی تاقمی خۆفرۆشی ١٦ی ئۆكتۆبەرەوە پشتیوانی دەكرێت و رێگە نادرێت دەستگیر بكرێت.

بە گوێرەی ئەو زانیارییانەی دەست (باسنیوز) كەوتووە، هاوڕێ مەلا ستار، ئەندامی فراكسیۆنی یەكێتی لە پەرلەمانی كوردستان كە سەر بە تاقمی خۆفرۆشی ١٦ی ئۆكتۆبەرە، بە كوشتنی كارمەندێكی ئاسایشی كفری و دواتر سووتاندنی تەرمەكەی تۆمەتبارە و چەندان بەڵگەشی لە دژ هەیە، بەڵام نەك دەستگیر ناكرێت، بگرە هەر رۆژەی بە هۆكارێك موزایەدەش بەسەر خەڵكی كوردستانەوە دەكات.

ئەو كارمەندەی ئاسایش كە لە لایەن هاوڕێ مەلا ستار و برایەكی بە ناوی (عەتا) كوژراوە، ناوی (یادگار نەجمەدین محێدین)ە و لە بنەماڵەكەیاندا ١٥ كەسیان لێ ئەنفال كراوە و دوو ئەندامی بنەماڵەكەشی شەهیدی یەكێتیی نیشتمانیی كوردستانن.

لەمبارەیەوە لە یاداشتیكی پارێزەر حەسەن ئەحمەد، پارێزەری كەسوكاری تاوانلێكراو كە وێنەیەكی دەست (باسنیوز) كەوتووە و ئاراستەی سەرۆك و ئەندامانی دادگای تاوانەكانی كەركووكی كردووە، ئەوە ئاشكرا كراوە تاوانەكە لە شەوی ١٩ لەسەر ٢٠ی مانگی شوباتی ٢٠١٢ ئەنجام دراوە، چەندان بەڵگە لەسەر ئەوە هەیە كە هەریەك لە هەریەك لە (هاوڕێ بنا محەمەد ساڵح - هاوڕێ مەلا ستار) و (عەتا بنا محەمەد ساڵح)ی برای تاوانەكەیان ئەنجام داوە و لەمبارەیەشەوە (محەمەد هیجران محەمەد ساڵح) كە ئامۆزای خۆیانە، لە بەردەم دادوەردا شایەدی لە دژیان داوە. تەنانەت لە شوێنی دۆزینەوەی تەرمی تاوانلێكراوەكەشدا پەڵەی خوێنی هاوڕێ مەلا ستار و براكەی دۆزراوەتەوە.

بەپێی زانیارییەكانی (باسنیوز)، ئەم تاوانەی كە هاوڕێ مەلا ستار تێیدا تۆمەتبارە، ئەوكاتە ئەنجام دراوە كە هاوڕێ چەكداری یەكێتی بووە، بەڵام لە ژێر فشاری لاهوور جەنگی دۆسیەكە داخراوە و بگرە وەك زۆرێك لەوانەیتر كە خاڵی لاواز و تاوانی جۆراوجۆریان لە لایەن لاهوورەوە پەردەپۆش كراوە، سەرسەختانە بەرگری لە لاهوور جەنگی دەكات.

(باسنیوز) لە كاتی بەراوردكردنی ناوی هاوڕێ مەلا ستار لەگەڵ ئەو ناوەی كە لە یاداشتی پارێزەری دۆسیەكەدا هاتووە، تێبینیی ئەوەی كرد كە سەرجەم پەرلەمانتاران لە ماڵپەڕی فەرمیی پەرلەماندا ناوی راستەقینەیان و دواتر نازناویان نووسراوە، بەڵام ئەو پەرلەمانتارەی یەكێتی كە دوور نییە بەهۆی ئەم كەیسەوە بێت، بەهیچ شێوەیەك ناوی راستەقینەی تەنانەت لە كاتی هەڵمەتی بانگەشەی هەڵبژاردنیشدا نەنووسراوە.

 

No description available.

No description available.

No description available.

 

ناوی تەواوی هاوڕێ مەلا ستار لە لیستی كاندیدانی دەرچووی یەكێتی بۆ هەڵبژاردنی خولی پێنجەمی پەرلەمانی كوردستان كە لە ماڵپەڕی كۆمسیۆنی سەربەخۆی هەڵبژاردن و راپرسی لە هەرێمی كوردستان بڵاو كراوەتەوە:

 No description available.