ب ڤیدیو.. ل دھۆکێ دانعەمر و کور و کچێن بێ کەس و کار ھاتنە خەلاتکرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ب ڤیدیو.. ل دھۆکێ دانعەمر و کور و کچێن بێ کەس و کار ھاتنە خەلاتکرن

شەڤا دەرباز بووی، ل سەنتەرێ باژێرێ دھۆکێ ژ لایێ رێکخراوەکێ ب ھاریکاریا مالا دانعەمران، دانعەمر و کور و کچێن دھۆکێ یێن بێ کەس و کار ھاتنە خەلاتکرن.

سەباح محەمەد، رێڤەبەرێ مالا دانعەمرێن دھۆکێ بۆ (باسنیوز) گۆت:" شەڤێدی رێکخراوا ھاجەر یا مرۆڤایەتی بۆ کاروبارێن ساخلەمیێ رابو ب دانا ھاریکارییەکا ماددی بۆ مالا دانعەمر و کور و کچێن دھۆکێ کۆ ئەو کەسە مفادار بوونە، ئەوێن ل ناڤا ڤان خانیان دا دھێنە بخودانکرن".

رێڤەبەرێ مالا دانعەمران گۆتژی:" بەردەوام فەرە ھاریکاریا ڤان تەخا کەسان بھێتە کرن، ب دلخۆشی و سوپاسی ڤە بەشەک ژ رێکخراو و دەولەمەندێن دھۆکێ بەردەوام ھاریکاریا مالا دانعەمران دکەن و ھیڤیا مە ژی خزمەتکرنا وانە، چونکە ل ڤی ژیی دیارکری دا ئەڤ کەسە پتر ژ ھەر قۆناغەکا ژیانێ پێتڤی ب چاڤدێری و ھاریکاریکرنێیە".