روونكردنه‌وه‌یه‌ك له‌ دادگای پێداچوونه‌وه‌ و ئه‌نجوومه‌نی دادوه‌ری هه‌رێمی كوردستانه‌وه‌
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

روونكردنه‌وه‌یه‌ك له‌ دادگای پێداچوونه‌وه‌ و ئه‌نجوومه‌نی دادوه‌ری هه‌رێمی كوردستانه‌وه‌

 

دادگای پێداچوونه‌وه‌ و ئه‌نجوومه‌نی دادوه‌ری هه‌رێمی كوردستان روونکردنەوەیەکی سەبارەت به‌ بڕیاری دادگای پێداچوونه‌وه‌ی هه‌رێم / ده‌سته‌ی سزایی/2 به‌ ژماره‌ 468/ ده‌سته‌ی سزایی2 /2021 له‌ رێكه‌وتی 28/4/2021، كه‌ كاردانه‌وه‌ی جۆراوجۆی له‌سه‌ر ئاستی ناوخۆ و ده‌ره‌وه‌ لێكه‌وتۆته‌وه‌.

لە روونکردنەوەکەدا دادگای پێداچوونه‌وه‌ و ئه‌نجوومه‌نی دادوه‌ری هه‌رێمی كوردستان هاتووە: "ئێمه‌ جه‌خت له‌وه‌ ده‌كه‌ین كه‌ له‌ هه‌موو قۆناغه‌كانی دادگایی كردن و بڕیاردان له‌سه‌ر ئه‌م دۆسیه‌یه‌ به‌ پشت به‌ستن به‌ زانیاری و به‌ڵگه ‌و دیكۆمێنتی دروست و به‌و په‌ڕی پیشه‌یی و یاساییانه‌ و سه‌ربه‌خۆییانه ‌و بێلایه‌نانه‌ مامه‌ڵه‌مان كردووه‌. بۆیه‌ به‌شێك له‌و كاردانه‌وه‌ و هه‌ڵوێست نواندنانه‌ ده‌چنه‌ خانه‌ی ده‌ستێوه‌ردان له‌ كاروباری دادگاكان و رێزنه‌گرتنه‌ له‌ سه‌ربه‌خۆیی ده‌سه‌ڵاتی دادوه‌ری".

دەقی روونکردنەوەکە:

سه‌باره‌ت به‌ بڕیاری دادگای پێداچوونه‌وه‌ی هه‌رێم / ده‌سته‌ی سزایی/2 به‌ ژماره‌ (468/ ده‌سته‌ی سزایی2 /2021) له‌ رێكه‌وتی 28/4/2021 كه‌ كاردانه‌وه‌ی جۆراوجۆی له‌سه‌ر ئاستی ناوخۆ و ده‌ره‌وه‌ لێكه‌وتۆته‌وه‌، ئێمه‌ جه‌خت له‌وه‌ ده‌كه‌ین كه‌ له‌ هه‌موو قۆناغه‌كانی دادگایی كردن و بڕیاردان له‌سه‌ر ئه‌م دۆسیه‌یه‌ به‌ پشت به‌ستن به‌ زانیاری و به‌ڵگه ‌و دیكۆمێنتی دروست و به‌و په‌ڕی پیشه‌یی و یاساییانه‌ و سه‌ربه‌خۆییانه ‌و بێلایه‌نانه‌ مامه‌ڵه‌مان كردووه‌. بۆیه‌ به‌شێك له‌و كاردانه‌وه‌ و هه‌ڵوێست نواندنانه‌ ده‌چنه‌ خانه‌ی ده‌ستێوه‌ردان له‌ كاروباری دادگاكان و رێزنه‌گرتنه‌ له‌ سه‌ربه‌خۆیی ده‌سه‌ڵاتی دادوه‌ری. ئه‌مه‌ له‌ كاتێكدا كه‌ ئه‌ركی ئێمه‌ و هه‌موو هاووڵاتیان و لایه‌نه‌ سیاسی و مه‌ده‌نیه‌كانه‌ كه‌ پابه‌ند بین به‌ سه‌ربه‌خۆیی ده‌سه‌ڵاتی دادوه‌ری و حوكمی یاساو بڕیاری دادگاكان.

له‌باره‌ی ناوهاتنی كونسوڵخانه‌كانی ویلایه‌ته‌ یه‌كگرتووه‌كانی ئه‌مریكاو ئه‌ڵمانیا له‌ چوارچێوه‌ی خستنه‌ڕووی ئه‌و زانیاری و به‌ڵگانه‌دا بووه‌ كه‌ تاوانباران دانیان پێدا ناوه‌. ئیمه‌ جه‌خت ده‌كه‌ینه‌وه‌ ناوهێنانی ناوی ئه‌و كونسوڵخانانه‌ له‌سه‌ر زاری تاوانبارانه‌وه‌یه‌ و دادگا ئه‌وانی به‌ تۆمه‌تبار نه‌زانیوه‌، له‌گه‌ڵ ئه‌وه‌شدا له‌ چوارچێوه‌ی كاری دیپلۆماسی و یاسا به‌ركاره‌كان ئاماده‌یی ته‌واوی خۆمان نیشان ده‌ده‌ین بۆ ئاگاداركردنیان له‌ هه‌موو زانیاری و به‌ڵگه‌ و دیكۆمێنته‌كانی دۆسیه‌ی ناوبراوان به‌ مه‌به‌ستی ده‌ركه‌وتن و نیشاندانی راستیه‌كان.

بۆ زانیاری هه‌موو لایه‌ك ئه‌و بڕیاره‌ هێشتا پله‌ی كۆتایی وه‌رنه‌گرتووه‌ و قۆناغی دیكه‌ی تانه‌لێدانی ماوه‌ كه‌ ئه‌ویش قۆناغی داواكردنی راستكردنه‌وه‌ی بڕیاری پێداچوونه‌وه‌یه‌ (طلب تصحیح القرار التمییزی) به‌ پێی یاسا، سزاداراوان ده‌توانن تانه‌ پێشكه‌ش بكه‌ن بۆ راستكردنه‌وه‌ی بڕیاره‌كه‌.

ب. راگه‌یاندنی ئه‌نجومه‌نی دادوه‌ری و دادگای پێداچوونه‌وه‌ی هه‌رێمی كوردستان
8/5/2021