(باسنیوز) تۆماری دەنگیی لێدوانەكەی مامە غەفە بڵاو دەكاتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

(باسنیوز) تۆماری دەنگیی لێدوانەكەی مامە غەفە بڵاو دەكاتەوە

لەژێر فشاری لاهوور جەنگی ناچار بە پەشیمانبوونەوە كراوە

پاش ئەوەی مامە غەفە، پێشمەرگەی دێرین و یەكێك لە فەرماندە سەربازییە دیارەكانی یەكێتیی نیشتمانیی كوردستان لە هەولێر، لە ڕێگەی (باسنیوز)ەوە رای گەیاند: ”لە سنووری هەولێر حزبەكەی جاشێكی كاندید كردووە كە پەنجا ساڵە تفەنگیان بە پێشمەرگەوە ناوە، هەروەها هاوپەیمانیی یەكێتی و بزووتنەوەی گۆڕان بە باش نازانم بۆ یەكێتی“، بەپێی سەرچاوەیەكی باوەڕپێكراو، لاهوور جەنگی، سەردەستەی تاقمی خۆفرۆشی ١٦ی ئۆكتۆبەری نێو یەكێتی، فشاری خستووەتە سەریان و ناچاری كردوون لە قسەكانی پاشگەز ببێتەوە و روونكردنەوە بڵاو بكەنەوە.

بۆیە هەر دوێنێ لە روونكردنەوەیەكدا كە بە ناوی مامە غەفە لە میدیاكانی یەكێتی و لاهوور جەنگییدا بڵاو كرایەوە، ئەوەی تێدا هاتووە گوایە: ”(باسنیوز) لێدوانەكەی مامە غەفەی شێواندووە و ئەو قسانەی نەكردووە“ هەروەها ناچاریش كراوە كە نكووڵی لە قسەكانی خۆی بكات و بەپێچەوانەی لێدوانەكەی بۆ (باسنیوز)، ستاییشی هاوپەیمانیی گۆڕان و یەكێتی بكات.

ئێمەش لێرەدا، بەناوی ئاژانسی هەواڵی (باسنیوز)ەوە، وێڕای رێزی زۆرمان بۆ خەباتی مامە غەفە، هەم بەڕێزیان و هەم خوێنەرانی هێژای (باسنیوز) و هەمیش میدیاكانی لاهووری جەنگی و سپۆنسەرەكەیان دڵنیا دەكەینەوە، كە لە رەوشت و ئاكاری رۆژنامەنووسییانەی ئێمەدا نیە، بە ناوی هیچ كەسایەتیەكەوە، درۆ هەڵبەستین و لێدوان بشێوێنین و لەخۆمانەوە بێ هیچ بنەمایەكی راست، هەواڵ دروست بكەین.

جا بۆ ئەوەی هەموان بۆ لەمەودواش بێگومان بن لەوەی كە ئێمە لێدوانی كەس ناشێوێنین و تەنیا راستیەكان دەگوزاینەوە، هەروەها بۆ ئەوەی جەماوەری یەكێتیی نیشتمانیی كوردستان و پێشمەرگە و خەباتگێڕانی دێرینی نێو یەكێتییش، بۆیان روون بێتەوە، كە حزبەكەیان بە دەست تاقمی خیانەتكاری ١٦ی ئۆكتۆبەرەوە، بەرەو كوێ رۆیشتووە، ناچارین دەقی لێدوانەكەی مامە غەفە بۆ هەواڵسازێكی (باسنیوز)، وەكوو خۆی بڵاو بكەینەوە، بێگومان بەڕێزیان ناوی تەواوی ئەو كاندیدەی یەكێتیی هێناوە كە وەك خۆی دەڵێ: ”جاش بوون ٥٠ ساڵ شەڕیان لە دژی پێشمەرگە كردووە“.
ئەمەش تۆمارە دەنگییەكەی مامە غەفەیە كە لێدوانەكەی داوە: