شوان زراری بۆ ئاڵا تاڵەبانی: تۆ ناسنامەی خۆت فرۆشت چ باكت بە سیخوڕیكردنەوەیە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

شوان زراری بۆ ئاڵا تاڵەبانی: تۆ ناسنامەی خۆت فرۆشت چ باكت بە سیخوڕیكردنەوەیە

شوان زراری پەرلەمانتاری كوردستان لە فراكسیۆنی پارتی وەڵامێكی توندی ئاڵا تاڵەبانی سەرۆكی فراكسیۆنی یەكێتی لە پەرلەمانی عێراق داوەتەوە، لەسەر باسی سەركوتكردنی ئازادییەكان و دەڵێ تۆ ناسنامەی خۆت بە عەرەب فرۆشتووە چ باكت بەوەیە لە كوردستان سیخوڕیكردن بە ئازادی وەسف بكەیت.

شوان زراری پەرلەمانتاری پارتی لە پەرلەمانی کوردستان بە (باسنیوز)ی راگەیاند "با ئاڵا تاڵەبانی باسی ئازادی لە کوردستان نەكات، ئەو لەسەر لیستێکی عەرەبی خۆی کاندید کردووە، با بچێتە سەر كاری خۆی، ئەو شانازی بە فرۆشتنی کەرکووکەوە دەكات، چ باکی بەوە ھەیە چی بەسەر کوردستان دێت".

دەشڵێ با کەسێک باسی کوردستان بکات کە خۆی و نەتەوەكەی نەفرۆشتبێت، ئەو گوتی کەرکووک گەڕایەوە باوەشی نیشتمان كاتێك لەلایەن حەشدی شەعبییەوە داگیر كرا، ئازادی بە لای ئاڵا تاڵەبانیەوە بریتییە لە داگیرکردنی کوردستان لەلایەن حەشدی شەعبییەوە.

پەرلەمانتارەكەی پارتی هەروەها بە ئاڵا تاڵەبانی دەڵێ "تۆ ناسنامەی خۆت فرۆشت، باکت بە گەنجێک چییە كە لە کوردستانەوە راھێنانی پێبکەن بۆ سیخوری".